Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 927 Hüküm no: 764 Orijinal metin no: [173a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Müezzin Ahmed Çelebi’nin çocuklarına amcaları Ömer’in vasi tayin edildiği Mahmiye-i İstanbul’da Emin Nureddin mahallesinde sâkin iken bundan akdem vefât eden Müezzin Ahmed Çelebi b. Himmet’in sagīr oğulları Lütfullah ve Mehmed’in tesviye-i emrlerine bir vasî lâzım ve mühim olmağla emânet ile ma‘rûf ve diyânet ile mevsûf ve vesâyet uhdesinden gelmeğe kādir idiği zeyl-i kitâbda muharrerü’l-esâmî sikāt-ı muvahhidîn ihbârlarıyla lede’ş-şer‘i’l-mübîn zâhir ve bâhir olan sagīrân-ı mezbûrânın li-ebeveyn ammileri el-Hâc Ömer’i hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri sagīr-i mezbûrların vakt-i rüşd ü sedâdlarına değin tesviye-i emrlerine vasî nasb ü ta‘yîn buyurduklarında ol dahi vesâyet-i mezbûreyi kabûl ve hizmet-i lâzımesini edâya ta‘ahhüd ve iltizâm etmeğin mâ-vaka‘a kayd-şüd. Fî 13 Receb sene 1110 Şuhûdü’l-hâl: Umdetü’l-vâ‘izîn eş-Şeyh Ahmed Efendi b. Hamza, es-Seyyid Mustafa Çelebi b. eş-Şeyh Ahmed Efendi, Abdullah Çelebi b. Ali, Muhzır Kara Mehmed b. Hasan, Çukadâr Nasuh Beşe.