Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 954 Hüküm no: 787 Orijinal metin no: [178b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Hatice Hatun’un kızlarına babaları Mustafa Efendi’nin vasi tayin edildiği Mahmiye-i İstanbul’da Tülbentçi Hüsameddin mahallesinde sâkine iken bundan akdem vefât eden Hadîce Hatun bt. Musa Efendi’nin sagīre kızları Ümmügülsüm ve Fâtıma’nın vâlideleri müteveffât-ı mezbûreden kendilerine isâbet ve intikāl eden emvâllerini hıfza ve ahvâllerini zabt içün kıbel-i şer‘-i enverden bir vasî nasbı lâzım ve mühim olmağın umûr-ı vesâyet görmekde her vechile ehil ve mahmûdü’l-hâl olduğu zeyl-i kitâbda isimleri mastûr Müslimîn ihbâr ve i‘lâmlarıyla mütehakkik olan babası ve velîsi işbu [179a] bâ‘isü’l-kitâb Mustafa Efendi nâm kimesneyi hâkim-i muvakkı‘-i sadr-ı kitâb tûbâ-lehû ve hüsnü-meâb efendi hazretleri dahi sagīrân-ı mezbûrânın tesviye-i emrlerine vakt-i rüşd ü sedâdlarına varınca vasî nasb ü ta‘yîn buyurdukda ol dahi vesâyet-i mezbûreyi kabûl ve merâsimini edâya müte‘ahhid olmağın mâ-vaka‘a kayd-şüd. Fî 13 min-Receb sene 1110 Şuhûdü’l-hâl: Hüseyin Efendi b. Abdullah, Halil Efendi b. İbrahim, Hasan Efendi b. Musa, Ömer Ağa b. Eyüb ve gayruhum.