Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 969 Hüküm no: 796 Orijinal metin no: [180b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mimar İsmail Ağa’nın Sakız’da yaptırdığı cami ve kale tamirine mükâfaten varislerine devlet tarafından para ihsan edildiği Mahmiye-i İstanbul’da Elvanzâde mahallesi ahâlîsinden olup bundan akdem cezîre-i Sakız’da vefât eden Mimâr İsmail Ağa b. Ahmed’in verâseti sagīr oğulları İbrahim Çelebi ve Ali Çelebi’ye münhasıra olup ba‘dehû mezbûr İbrahim Çelebi dahi vefât edip verâseti vâlidesi Rukiye bt. Abdullah’a ve li-ebeveyn er karındaşı mezbûr Ali Çelebi’ye münhasıra oldukdan sonra müteveffâ-yı mezbûrun cezîre-i Sakız’da müceddeden binâ eylediği câmi‘-i şerîf ve kal‘a ta‘mîrine malından harc ü sarf ettiği meblağ mukābelesinde taraf-ı Saltanat-ı seniyye’den veresesine ihsân olunan meblağdır ki zikr olunur. Fî evâhiri Receb sene tis‘a ve mi’ete ve elf. Taraf-ı mîrîden Duhân Emîni Hasan Ağa yediyle ihsân olunup sagīr-i mezbûrun vasîsi Davud Çelebi’nin makbûzu olan Meblağ: 280000 akçe #&# Minha’l-ihrâcât: Deyn li-ücreti camcıyân ber-mûceb-i defter-i muhâsebe 7000 akçe Deyn-i ücret-i Mimâr Ömer Çelebi 18680 akçe Deyn-i es-Seyyid Musa Camcı 3600 akçe Deyn-i ücret-i Mimâr es-Seyyid Mustafa Çelebi ve Bıyıklıoğlu Onan zimmî 40000 akçe Deyn-i sıvacıyân 4 nefer 21000 akçe Deyn-i Râbia Hatun 19200 akçe Berây-ı ta‘mîr-i kabr-i İbrahim Çelebi 8400 akçe Meblağ-ı mezbûru tahsîl içün dört def‘a Edirne’ye gidildikde harc olunan 44400 akçe Harc-ı defter 1200 akçe Kâtibiye, huddâmiye 600 akçe Müteveffâ-yı mezbûrun sülüs-i malından vesâyâ-yı mu‘ayyenesini tekmîl için 36000 akçe Yekûn ihrâcât: 200080 akçe. Para üç akçeyedir. Sahhe’l-bâkī: 79920 akçe Hissetü’l-ümmü’l-mezbûr 13320 akçe Hisse-i sagīr-i mezbûr Ali Çelebi 66600 akçe Sagīr-i mezbûr Ali Çelebi’nin vasiyy-i muhtârı Davud Çelebi b. Ali’nin üzerine nâzırası Râbia Hatun talebiyle bin yüz sekiz Zilka‘desi gurresinden yüz doksan Şa‘bân gurresine gelince görülen hesâbıdır ki zikr olunur. Ber-mûceb-i defter-i muhâsebe sagīr-i mezbûr Ali Çelebi’nin hisse-i müntakilesi 309674 akçe Bâlâda zikr olunan hissesi 66600 akçe Vasiyy-i mezbûrun i‘mâliyle hâsıl olan ribh 20880 akçe Cem‘an yekûn: 397154 akçe. İhrâc olunun dokuz aylık nafaka min-Şevvâl ilâ-Şa‘bân sene [1]109: 8100 akçe Bâkī: 389054 akçe. Para üçer akçeyedir. Hurrire bi-ma‘rifeti men u‘timide-aleyh nemekahu’l-fakīr ileyhi azze-şânühû es-Seyyid Mehmed el-Kassâmü’l-askerî bi-medîneti Kostantıniyeti’l-mahmiye