Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 966 Hüküm no: 795 Orijinal metin no: [180a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Beşe’nin terekesi Mahmiye-i İstanbul’da Molla Hüsrev mahallesinde sâkin iken bundan akdem vefât eden Süleyman Beşe b. Abdullah’ın verâseti zevce-i menkûhası Saliha Hatun bt. Abdullah ile sagīre kızları Âişe ve İsmihan ve Emine ve sagīr oğulları Halil ve Ahmed ve kebîr oğlu İbrahim Beşe ve kebîre kızı olup vilâyet-i Anadolu’da Balıkesir kasabasında sâkine diğer Âişe ve mezbûre Saliha’nın batnında müstebîn hamle münhasıra olduğu şer‘an zâhir ve mütehakkık oldukdan sonra zikr olunan sagīrelerin vasiye-i mansûbeleri mezbûre Saliha taleb ve ma‘rifetiyle tahrîr olunan terekesidir ki zikr olunur. Fî 15 min-Rebî‘ülâhir sene 1110 Beledî döşek 390 akçe Kadife yastık 505 akçe Minder 1 221 akçe Orta kaliçe 1 242 akçe Minder 205 akçe Yemenî yastık 1 161 akçe Köhne çuka yastık 140 akçe Minder 140 akçe Yemenî ve sandal yorgan 2 320 akçe Siyâh kebe 305 akçe Minder 325 akçe Köhne yemenî yorgan 130 akçe Köhne yorgan 2 485 akçe Minder 240 akçe Köhne yemenî yorgan 184 akçe Beyâz velense 290 akçe Çakşır 695 akçe Kırmızı zenne kapama? 245 akçe Kırmızı çuka kontuş 905 akçe Minder 31 akçe Köhne destâr 2 250 akçe Köhne kaliçe 485 akçe Yan keçesi 2 200 akçe Don gömlek 220 akçe Aba yastık 100 akçe Köhne orta keçesi 329 akçe Köhne yorgan 80 akçe Aba yastık 2 290 akçe Köhne çakşır 1 440 akçe Döşek 405 akçe Aba yastık 2 241 akçe Minder 250 akçe Kebîr sini 880 akçe Sagīr sini 160 akçe Def‘a tepsi 300 akçe Sagīr tepsi 245 akçe Kebîr sahan 2 206 akçe Tencere bâ-kapak 285 akçe Tencere bâ-kapak 200 akçe Tencere 160 akçe Leğen ibrik 215 akçe Tencere bâ-kapak 405 akçe Güğüm 400 akçe Leğen ibrik 246 akçe Sagīr tencere 180 akçe Sagīr tencere 80 akçe Havan 450 akçe Leğen ibrik 285 akçe Tâbe 100 akçe Def‘a tâbe 100 akçe Tencere 95 akçe Kapaklı tas 100 akçe Sahan sagīr-kebîr 3 100 akçe Saplı ibrik 70 akçe Kazgan kebîr 1300 akçe Tas ve sahan 110 akçe Def‘a tas 200 akçe Kahve ibriği 80 akçe Şam‘dân maşraba 112 akçe Kefkir leğen 130 akçe Sahan 4 330 akçe Güğüm ma‘a tas 150 akçe Süzegi 100 akçe Sandık 70 akçe Yekûn: 17293 akçe. Para dörder akçeyedir Müteveffâ-yı mezbûrun Galata’da vâki‘ dükkânında mevcûde olup lede’l-müzâyede bey‘ olunan kösele ve meşin 24490 akçe Para dörder akçeye Nakd zuhûr eden akçe ve guruş 73 11680 akçe Zimem-i nâsda olan hukūkundan vasiye-i mezbûrenin tahsîl ettirdiği akçedir 12 guruş 1920 akçe Def‘a zimemden tahsîl olunan 1200 akçe Def‘a müteveffâ-yı mezbûrun Edirne’de zimem-i nâsda olan hukūkunu cem‘ ve tahsîl içün vasiye-i mezbûre es-Seyyid Mustafa Çelebi’yi vekîl edip ol dahi Edirne’de ve İstanbul’da tahsîl eylediği elli üç guruşu bi’t-tamâm vasiye-i mezbûre vekîl-i mezbûrdan ahz u kabz etmekle şerh verildi Vekîl-i mezbûr müteveffâ-yı mezbûrun kebîr oğlu İbrahim Beşe’nin cem‘ eylediği zimemdir ki zikr olunur 136 guruş Be-hesâb-ı hurda 21760 akçe Cem‘an yekûn: 78343 akçe. Para dörder akçeyedir. Minha’l-ihrâcât: Techîz ve tekfîn 1170 akçe Mehr-i müsbet li’z-zevce 4000 akçe Deyn-i mehr-i müsbet-i Fâtıma Hatun 1080 akçe Deyn-i İbrahim Beşe bâ-hüccet 8320 akçe Deyn-i müsbet-i el-Hâc Mehmed 1120 akçe Dellâliye ve dükkâniye 1350 akçe Zimemde olan akçeyi tahsîl içün es-Seyyid Mustafa Çelebi’ye ve İbrahim Beşe’ye ve Abdullah’a ve harc-ı hüccet 2240 akçe Hammâliye 390 akçe Resm-i âdî 1200 akçe Kâtibiye, huddâmiye 480 akçe Harc-ı hücec 320 akçe Kaydiye 120 akçe Yekûn ihrâcât: 21990 akçe Sahhe’l-bâkī: 56353 akçe Yalnız elli altı bin üç yüz elli üç akçedir. Para dörder akçeyedir. [180b] Hissetü’z-zevce 7044 akçe Hissetü’l-ibn 8218 akçe Hissetü’l-ibn 8218 akçe Hissetü’l-ibn 8218 akçe Hissetü’l-bint 4109 akçe Hissetü’l-bint 4109 akçe Hissetü’l-bint 4109 akçe Hissetü’l-bint 4109 akçe Hissetü’l-haml 8218 akçe Sagīre-i mezbûre Emine ve sagīr Ahmed’in bundan akdem fevt olan vâlideleri Fâtıma’dan kendilere isâbet eden bin sekiz yüz akçe ve üç bin iki yüz akçe kıymetli bir çift altın bilezik ve dört yüz seksen akçe kıymetli bir sîm ön kuşak vasîleri olan Muslu Beşe’ye teslîm olunmuşdur. Sahh, sahh.