Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 1000 Hüküm no: 814 Orijinal metin no: [185b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Müteveffa Hüseyin Ağa’nın azatlılarına para vasiyet ettiği Husûs-ı âti’l-beyânın mahallinde istimâ‘ ve tahrîri iltimâs olunmağın savb-ı şer‘-i enverden me’zûnen ba‘s olunan Mevlânâ İbadzâde es-Seyyid Abdullah Efendi b. el-merhûm es-Seyyid Mustafa Efendi mahmiye-i İstanbul’da Sancakdâr Hayreddin mahallesi ahâlîsinden olup Vilâyet-i Rumeli’nde Dubniçe kasabasında müsâfiren vefât eden Hüseyin Ağa b. Kasım b. Receb’in mahalle-i mezbûrede vâki‘ menziline varıp zeyl-i vesîkada mastûrü’l-esâmî Müslimîn huzûrlarında akd-i meclis-i şer‘-i şerîf eyledikde müteveffâ-yı mezbûrun ümmü’l-veledi olup zâtı ta‘rîf-i şer‘î ile mu‘arrefe olan bâ‘isetü’l-kitâb Saliha bt. Abdullah meclis-i ma‘kūd-ı mezbûrda müteveffâ-yı mezbûrun evlâd-ı sıgārının tesviye-i emrlerine bâ-hüccet-i şer‘iyye vasiyy-i muhtârı olmağla terekesine vaz‘-ı yed eden Süleyman Ağa b. el-Hâc Ömer mahzarında üzerine da‘vâ ve takrîr-i kelâm edip seyyidim müteveffâ-yı mezbûr Hüseyin Ağa b. Kasım b. Receb hâl-i kemâl-i sıhhatinde fevtinden bir ay mukaddem huzûr-ı Müslimînde benim içün ümmü’l-veledim Saliha’ya fevtimden sonra terekemden yüz guruş verile deyü vasiyet edip musırran-aleyhâ fevt olmağla terekesinin sülüsü mûsâ-bih-i mezkûra vâfî ve kâfî olmağla meblağ-ı mezbûru vasiyy-i mezbûrdan taleb ederim suâl olunsun dedi[kde] kezâlik müteveffâ-yı mezbûrun ümmü’l-veledi olup zâtı ta‘rîf-i şer‘î ile mu‘arrefe olan Gülbuy bt. Abdullah vasiyy-i mezbûr mahzarında üzerine da‘vâ ve takrîr-i kelâm edip seyyidim müteveffâ-yı mezbûr Hüseyin Ağa b. Kasım b. Receb hâl-i kemâl-i sıhhatinde fevtinden bir ay mukaddem huzûr-ı Müslimînde benim içün ümmü’l-veledim Gülbuy’a fevtimden sonra terekemden yüz guruş verile deyü vasiyet edip musırran-aleyhâ fevt olmağla terekesinin sülüsü mûsâ-bih-i mezkûra vâfî ve kâfî olmağla meblağ-ı mezbûru vasiyy-i mezbûrdan taleb ederim suâl olunsun dedikde kezâlik müteveffâ-yı mezbûrun ümmü’l-veledi olup zâtı ta‘rîf-i şer‘î ile mu‘arrefe olan Rukiye bt. Abdullah vasiyy-i mezbûr mahzarında üzerine da‘vâ ve takrîr-i kelâm edip seyyidim müteveffâ-yı mezbûr Hüseyin Ağa b. Kasım b. Receb hâl-i kemâl-i sıhhatinde fevtinden bir ay mukaddem huzûr-ı Müslimînde benim içün ümmü’l-veledim Rukiye’ye fevtimden sonra terekemden yüz guruş verile deyü vasiyet edip musırran-aleyhâ fevt olmağla terekesinin sülüsü mûsâ-bih-i mezkûra vâfî ve kâfî olmağla meblağ-ı mezbûru vasiyy-i mezbûrdan taleb ederim suâl olunsun dedikde kezâlik müteveffâ-yı mezbûrun mu‘takı Hadîce bt. Abdullah vasiyy-i mezbûr mahzarında üzerine da‘vâ ve takrîr-i kelâm edip seyyidim müteveffâ-yı mezbûr Hüseyin Ağa b. Kasım b. Receb hâl-i kemâl-i sıhhatinde fevtinden bir ay mukaddem huzûr-ı Müslimînde benim içün mu‘takım Hadîce’ye fevtimden sonra terekemden yüz guruş verile deyü vasiyet edip musırran-aleyhâ fevt olmağla terekesinin sülüsü vâfî ve kâfî olmağla meblağ-ı mezbûru vasiyy-i mezbûrdan taleb ederim suâl olunsun dedikde kezâlik müteveffâ-yı [mezbûrun] mu‘takı İbrahim b. Abdullah vasiyy-i mezbûr mahzarında üzerine da‘vâ ve takrîr-i kelâm edip seyyidim müteveffâ-yı mezbûr Hüseyin Ağa b. Kasım b. Receb hâl-i kemâl-i sıhhatinde fevtinden bir ay mukaddem huzûr-ı Müslimînde benim içün mu‘takım İbrahim’e fevtimden sonra terekemden yüz guruş verile deyü vasiyet edip musırran-aleyhâ fevt olmağla terekesinin sülüsü mûsâ-bih-i mezkûra vâfî ve kâfî olmağla meblağ-ı mezbûru vasiyy-i mezbûrdan taleb ederim suâl olunsun dedikde kezâlik müteveffâ-yı mezbûrun mu‘takı Arab Mehmed b. Abdullah vasiyy-i mezbûr mahzarında üzerine da‘vâ ve takrîr-i kelâm edip seyyidim müteveffâ-yı mezbûr Hüseyin Ağa b. Kasım b. Receb hâl-i kemâl-i sıhhatinde fevtinden bir ay mukaddem [186a] huzûr-ı Müslimînde benim içün mu‘takım Arab Mehmed’e fevtimden sonra terekemden yüz guruş verile deyü vasiyet edip musırran-aleyhâ fevt olmağla terekesinin sülüsü mûsâ-bih-i mezkûra vâfî ve kâfî olmağla meblağ-ı mezbûru vasiyy-i mezbûrdan taleb ederim suâl olunsun dedikde kezâlik müteveffâ-yı mezbûrun mu‘takı Yusuf b. Abdullah vasiyy-i mezbûr mahzarında üzerine da‘vâ ve takrîr-i kelâm edip seyyidim müteveffâ-yı mezbûr Hüseyin Ağa b. Kasım b. Receb hâl-i kemâl-i sıhhatinde fevtinden bir ay mukaddem huzûr-ı Müslimînde benim içün Yusuf’a fevtimden sonra terekemden kırk guruş verile deyü vasiyet edip musırran-aleyhâ fevt olmağla terekesinin sülüsü mûsâ-bih-i mezkûra vâfî ve kâfî olmağla meblağ-ı mezbûru vasiyy-i mezbûrdan taleb ederim suâl olunsun dedikde gıbbe’s-suâl ve’l-inkâr müdde‘iyyûn-ı mezbûrûndan sıdk-ı makāllerine beyyine taleb olundukda udûl-ı ahrâr-ı ricâl-i Müslimînden olup mahmiye-i mezbûrede Molla Şeref mahallesi ahâlîsinden olup müteveffâ-yı mezbûr ile ma‘an kasaba-i mezbûrede olan el-Hâc Şahin Ağa b. Sinan ve Halil Ağa b. Abdullah li-ecli’ş-şehâde meclis-i ma‘kūd-ı mezbûra hâzırân olup istişhâd olundukda fi’l-vâki‘ müteveffâ-yı mezbûr Hüseyin Ağa b. Kasım b. Receb hâl-i kemâl-i sıhhatinde fevtinden bir ay mukaddem huzûrumuzda fevtimden sonra işbu müdde‘iye-i mezbûre ümmü’l-veledim Saliha’ya yüz guruş ve Gülbuy’a yüz guruş ve Rukiye’ye yüz guruş ve Hadîce’ye yüz guruş ve mu‘takım İbrahim’e yüz guruş ve Arab Mehmed’e kırk ve Yusuf’a kırk guruş verile deyü vasiyet edip musırran-aleyhâ fevt olmağla terekesinin sülüsü mûsâ-bih-i mezkûrûna vâfî ve kâfîdir biz bu husûsa bu vech üzere şâhidleriz şehâdet dahi ederiz deyü her biri edâ-i şehâdet-i şer‘iyye ettikde ba‘de’t-ta‘dîl ve’t-tezkiye şehâdetleri makbûle olmağın mûcebiyle ba‘de’l-hükm vâki‘ hâli mevlânâ-yı mezbûr mahallinde tahrîr ba‘dehû ma‘an mürsel Hasan Çelebi b. Abdullah ve Yahya b. İsmail ile mahfil-i kazâya gelip alâ-vukū‘ihi inhâ ve takrîr etmeğin mâ-vaka‘a kayd-şüd. Fî 15 min-Cumâdelâhire sene 1110 Şuhûdü’l-hâl: Mehmed Efendi b. Receb el-İmâm, Mustafa Ağa b. Süleyman, Abdullah Ağa b. Zekeriya, Ahmed Ağa b. Mustafa, el-Hâc Yahya b. Hüseyin, el-Hâc Mehmed Ağa b. Hüseyin.