Kısmet-i Askeriye Mahkemesi 19 Numaralı Sicil (H. 1109-1110 / M. 1698-1699) cilt: 58, sayfa: 1036 Hüküm no: 850 Orijinal metin no: [193b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şehit Hasan Ağa’nın oğlu Hüseyin Çelebi’ye amcası Mustafa Beşe’nin vasi tayin edildiği Mahmiye-i İstanbul’da Dergâh-ı -âlî dâme-mahfûfen bi’l-me‘âlî- yeniçerilerinin altmışıncı ağa bölüğü odası çorbacısı iken sene-i sâbıkada Zente taburu muhârebesinde şehîden vefât eden Hasan Ağa b. Mehmed’in sulbî sagīr oğlu Hüseyin Çelebi’nin vakt-i rüşd ü sedâdına değin tesviye-i umûruna kıbel-i şer‘den bir vasî nasbı lâzım ve mühim olmağın müteveffâ-yı mezbûrun li-ebeveyn karındaşı hâfızü’l-kitâb Mustafa Beşe b. el-mezbûr Mehmed emânet ve diyânet ile ma‘rûf ve vesâyet-i mezbûre uhdesinden gelmeğe kādir idiği lede’ş-şer‘i’ş-şerîf zâhir ve mukarrer olmağla hâkim-i [mu]vakkı‘-i sadr-ı kitâb hazretleri sagīr-i mezbûrun ammisi mezbûr Mustafa Beşe’yi sagīre (sagīr-i) mezbûrun vakt-i rüşd ü sedâdına değin vasî nab ü ta‘yîn buyurup ol dahi vesâyet-i mezbûreyi kabûl ve merâsimini edâya ta‘ahhüd ve iltizâm etmeğin mâ-vaka‘a. Fî 15 min-Receb sene 1110 Şuhûdü’l-hâl: Ahmed Ağa b. Ali, Molla Mehmed b. Ahmed, Hüseyin Çelebi b. Mustafa, el-Hâc İbrahim b. Abdullah, el-Hâc Mehmed b. Abdullah, Ali b. Mehmed.