Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 68 Hüküm no: 28 Orijinal metin no: [6a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un vefatıyla oğullarına babası Ahmed Ağa’nın vasi tayini Mahmiye-i İstanbul’da Firuz Ağa mahâllesinde sâkine iken bundan akdem vefât eden Âişe Hatun ibneti’l-merhûm Ahmed Efendi’nin sagīr oğulları İbrahim ve Mustafa’nın babaları ve velîleri olup mahmûdü’l-hâl idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve mukarrer olan işbu bâ‘isü’l-kitâb Ahmed Ağa b. el-Hâc Mustafa’yı hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīrân-ı mezbûrânın vakt-i rüşd ü sedâdlarına varınca tesviye-i emrlerine vasî nasb u ta‘yîn buyurduklarında ol dahi vesâyet-i mezbûreyi kabûl ve merâsimini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 26 min-Cumâdelûlâ sene 1143. Şuhûdü’l-hâl: Ali Beşe b. Ebubekir, Ahmed Çelebi b. Abdullah, Ali Çelebi b. Mehmed, Mehmed Efendi b. İbrahim, Ali Ağa b. Mehmed, Mehmed Ağa b. Mustafa