Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 68 Hüküm no: 29 Orijinal metin no: [6a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un vefatıyla oğullarına nafaka takdir edildiği Mahmiye-i İstanbul’da Firuz Ağa mahâllesinde sâkine iken bundan akdem vefât eden Âişe Hatun ibneti’l-merhûm Ahmed Efendi’nin sadrî sagīr oğulları İbrahim ve Mustafa’nın babaları ve tesviye-i emrlerine cânib-i şer‘den mansûb vasîleri bâ‘isü’l-kitâb el-Hâc Ahmed Ağa b. el-Hâc Mustafa talebiyle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri vâlideleri müteveffât-ı mezbûreden müntakile mâllarından her birine yevmî beşer para nafaka ve kisve-baha farz ve takdîr buyurup meblağ-ı mefrûz-ı mezbûr cem‘an yevmî onar parayı sagīrân-ı mezbûrânın nafaka ve kisve ve sâir levâzım-ı zarûriyelerine harc u sarfa ve vakt-i hâcetde istidâneye ve inde’z-zafer mâllarına rücû‘a vasiyy-i mezbûr el-Hâc Ahmed Ağa’ya izin birle mâ-vaka‘a bi’t-taleb ketb olundu. Fi’t-târîhi’l-mezbûr li-seneti’l-merkūme. Şuhûdü’s-sâbıkūn