Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 93 Hüküm no: 56 Orijinal metin no: [10b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacdan dönerken yolda vefat eden Mustafa b. Yusuf’un kızına nafaka takdiri Mahmiye-i İstanbul’da Kumkapı kurbünde Nişâncı Mehmed Paşa mahâllesi ahâlîsinden iken bu sene-i mübârekede hacc-ı şerîfden gelir iken esnâ-i tarîkde bundan akdem vefât eden el-Hâc Mustafa b. Yusuf’un sulbiye sagīre kızı Rukıye’nin vâlidesi ve tesviye-i umûruna kıbel-i şer‘den mansûbe vasiyyesi işbu bâ‘isetü’l-kitâb Emine Hatun bt. Abdullah talebiyle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīre-i mezbûreye mâlından târîh-i kitâbdan beher yevm dörder akçe nafaka ve kisve-baha farz ve takdîr buyurup meblağ-ı mefrûz-ı mezbûr beher yevm dörder akçeyi sagīre-i mezbûrenin nafaka ve kisve-baha ve sâir levâzım-ı zarûriyesine harc u sarfa ve vakt-i hâcetde istidâneye ve lede’z-zafer mâlına rücû‘a vasiyye-i mezbûreye izin birle mâ-vaka‘a bi’t-taleb ketb olundu. Fî 29 min-Cumâdelûlâ sene 1143. Şuhûdü’l-hâl: Ahmed Çelebi b. İbrahim, İbrahim Çelebi b. Ahmed, el-Hâc Ahmed b. Mehmed, Ali Çelebi b. Mustafa, Mustafa Çelebi b. Hasan