Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 93 Hüküm no: 57 Orijinal metin no: [11a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Efendi’nin vefatıyla çocuklarına nafaka takdir edildiği Mahmiye-i İstanbul’da Mimar Ayas mahâllesinde sâkin iken bundan akdem vefât eden Dergâh-ı âlî yeniçeri yazıcılarından Hüseyin Efendi b. Bayram’ın sulbî sagīr oğlu Ahmed ve sulbiye sagīre kızı Âişe’nin vâlidesi ve tesviye-i emrlerine kıbel-i şer‘den mansûbe vasiyyeleri olan işbu bâ‘isetü’l-kitâb Şahbaz Hatun bt. Abdullah talebiyle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīrân-ı mezbûrânın mâl-ı müntakillerinden târîh-i kitâbdan beher yevm her birine ikişer para nafaka ve kisve-baha farz ve takdîr buyurup meblağ-ı mefrûz-ı mezbûr her birine beher yevm ikişer parayı nafaka ve kisve-baha ve sâir levâzım-ı zarûriyelerine harc u sarfa ve vakt-i hâcetde istidâneye ve lede’z-zafer mâllarına rücû‘a vasiyye-i mezbûreye izin birle mâ-vaka‘a bi’t-taleb ketb olundu. Fî 2 min-Cumâdelâhire sene 1143. Şuhûdü’l-hâl: Hüseyin Çelebi b. Mehmed, Ahmed Çelebi b. Ali, Mahmud Çelebi b. Hasan, Mustafa Çelebi b. Hasan, Mehmed Çelebi b. Abdullah