Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 269 Hüküm no: 202 Orijinal metin no: [46a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail’in vasisi İbrahim’in vefatıyla yerine Aşcı İbrahim Ağa’nın vasi tayin edildiği Mahmiye-i İstanbul’da hısnı ebvâbından Ayvansaray hâricinde Karabaş mahâllesinde sâkin iken bundan akdem vefât eden Mehmed Ağa b. Ahmed’in sulbî sagīr oğlu İsmail’in tesviye-i umûruna cânib-i şer‘den mansûb vasîsi el-Hâc İbrahim b. Ahmed fevt olup umûr-ı vesâyet hâlî ve mu‘attal kalmağla yerine sagīr-i mezbûrun tesviye-i umûruna cânib-i şer‘den bir vasî nasbı lâzım ve mühim olmağın emânet ile ma‘rûf ve her vechile vesâyet uhdesinden gelmeye kādir idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve mukarrer olan sagīr-i mezbûrun min-kıbeli’l-üm hâli işbu bâ‘isetü’l-kitâb Aşcı İbrahim Ağa b. Ahmed’i hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīr-i mezbûrun vakt-i rüşd ü sedâdına varınca tesviye-i umûruna vasî nasb u ta‘yîn buyurduklarında ol dahi vesâyet-i mezbûreyi kabûl ve merâsimini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 18 min-Cumâdelâhire sene 1143. Şuhûdü’l-hâl: Osman Ağa b. Ömer, Molla Ömer b. Osman, Hasan Çelebi b. Halil, Mehmed Çelebi b. Hasan, Hüseyin Çelebi b. Mehmed, Ahmed Çelebi b. Süleyman, Mustafa b. Süleyman, Mehmed Çelebi b. Nasuh