Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 319 Hüküm no: 253 Orijinal metin no: [57a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani Hatun’un terekesi Mahmiye-i İstanbul’da Emin Sinan mahâllesinde sâkine iken bundan akdem vefât eden Ümmühani Hatun bt. el-Hâc Salih’in verâseti zevc-i metrûkü Ömer Efendi b. Mehmed ile sadrî kebîr oğlu Hüseyin ve sadriye kebîre kızları Fâtıma ve Âişe ibnetey Mustafa’ya münhasıra olduğu şer‘an zâhir oldukdan sonra müteveffât-ı mezbûrenin vesâyâsını tenfîze bâ-hüccet-i şer‘iyye vasiyy-i muhtârı ve dâmâdı el-Hâc Ali b. Ömer ve mezbûrân taleb ve ma‘rifetleriyle tahrîr olunan tereke-i müteveffât-ı mezbûredir ki ber-vech-i âtî zikr olunur. Fî 15 min-Cemâziyelâhire sene 1143. Müteveffât-ı mezbûrenin verese-i mezbûrûn beynlerinde tahmîn olunan terekesi semeni 1.800 akçe Müteveffât-ı mezbûrenin kendüden mukaddem fevt olan li-eb karındaşı Süleyman Ağa’dan müntakil hissesi 70.260 akçe Yekûn: 72.060 akçe Minhe’l-ihrâcât Techîz ve tekfîn ve ıskāt-ı salât ber-mûceb-i vasiyet 4.800 akçe Deyn-i müsbet-i el-Hâc Hızır bâ-hüccet 33.600 akçe Deyn-i müsbet-i el-Hâc Mehmed bâ-hüccet 6.600 akçe Deyn-i müsbet-i diğer el-Hâc Mehmed bâ-hüccet 12.000 akçe Deyn-i müsbet-i İbrahim Çelebi bâ-hüccet 2.500 akçe Deyn-i müsbet-i el-Hâc Ahmed bi-ikrâri’l-verese 1.680 akçe Deyn-i müsbet-i Haffâf Süleyman bâ-ikrâr 1.200 akçe Harc-ı hüccet-i vesâyet 720 akçe Harc-ı hüccet-i Mahmudpaşa ve i‘lâm 3.000 akçe Harc-ı çavuş 3.000 akçe Kassâm efendiye resm 2.060 akçe Harc-ı defter 150 akçe Kaydiye 15 akçe Yekûnü’l-ihrâcât: 71.325 akçe Sahhü’l-bâkī: 735 akçe Verese-i mezbûrûn meblağ-ı bâkī-i mezbûr yedi yüz otuz beş akçeyi vasiyy-i mezbûr el-Hâc Ali’ye işbu mahâlde hibe ve teslîm eyledikleri bu mahâlle şerh verildi.