Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 322 Hüküm no: 257 Orijinal metin no: [57b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un terekesi Mahmiye-i İstanbul’da Kādıasker Mehmed Efendi mahâllesinde sâkine iken bundan akdem vefât eden Âişe Hatun bt. Ali’nin verâseti zevc-i metrûkü İbrahim Beşe b. Hüseyin ile vâlidesi Hadîce Hatun bt. el-Hâc Ali ve babası mezbûr Ali Çelebi b. Durak ve sadriye sagīre kızı Ümmügülsüm ve sadrî sagīr oğlu Mustafa’ya münhasıra olduğu şer‘an zâhir ve mukarrer oldukdan sonra sagīrân-ı mezbûrânın babaları ve tesviye-i emrlerine cânib-i şer‘den bâ-hüccet-i şer‘iyye mansûb vasîleri mezbûr İbrahim Beşe ve mezbûre Hadîce Hatun ve mezbûr Ali Çelebi taraflarından müseccel vekîlleri Mustafa Beşe b. Hasan taleb ve ma‘rifetleriyle tahrîr ve beyne’l-verese taksîm olunan tereke-i müteveffât-ı mezbûredir ki ber-vech-i âtî zikr olunur. Fî 4 min-Receb sene 1143. Beledî yasdık 9, minder 3, döşek 1 2.160 akçe Sahan 7, tencere 4, leğen 1, ibrik 1, lengerî 2, tas 2, kefçe, kapak, kahve tepsi 16 kıyye, fî 126 2.160 akçe Yorgan 2, çarşeb 2 480 akçe Köhne beylik çuka, orta keçesi, kapı perdesi, ocak yaşmağı 420 akçe Sîm kuşak 360 akçe Sagīr zümrüd küpe 300 akçe Köhne peştemâl 141 akçe Köhne kutnî ve bogasi anteri 90 akçe Köhne kutnî anteri 48 akçe Alaca kutnî anteri 190 akçe Kutnî şalvar 285 akçe Köhne hâre cübbe 63 akçe Köhne beyaz kutnî şalvar 135 akçe Yaşmak ve makrama 90 akçe Havlu makrama 51 akçe Köhne işleme havlu 120 akçe Sofra, leğen 102 akçe Köhne gömlek 90 akçe Köhne terpûş 45 akçe Mor çuka ferâce 875 akçe Kırmızı çuka kaplı sincab kürk 1.500 akçe Baş yemenîsi 108 akçe Köhne don 2 102 akçe Hırdavât 42 akçe Hamam tası, gül kutusu 120 akçe Köhne çarşeb 120 akçe Köhne yemenî mak‘ad ve hırdavât 72 akçe Köhne kürk kabı 30 akçe Çarşeb 1 51 akçe Beyaz cübbe 15 akçe Sandık 120 akçe Köhne kedi kürkü 180 akçe Yeşil çuka ferâce 141 akçe Destgâh 120 akçe Yekûn: 10.845 akçe Mehr-i müeccel der-zimmet-i zevc-i mezbûr: 1.800 akçe Yekûn: 12.645 akçe Minhe’l-ihrâcât #&# Deyn-i müsbet-i Mustafa Beşe 1.449 akçe Deyn-i müsbet-i İbrahim Beşe 210 akçe Resm-i âdî ve kassâmiye 260 akçe Harc-ı hüccet-i vesâyet 151 akçe Dellâliye 231 akçe Kaydiye 15 akçe Yekûn: 2.315 akçe Sahhü’l-bâkī: 10.330 akçe Hissetü’z-zevci’l-mezbûr 2.582 akçe [58a] Hissetü’l-ümmi’l-mezbûre 1.721 akçe Hissetü’l-ebi’l-mezbûr 1.721 akçe Hissetü’l-binti’l-mezbûre 1.721 akçe Hissetü’l-ibni’l-mezbûr 2.821 akçe Müteveffâ-yı mezbûrenin vâlidesi mezbûre Hadîce Hatun ve babası mezbûr Ali Çelebi hisseleri olan bin yedişer yüz yirmi birer akçeyi ba‘de’l-ifrâz sagīrân-ı mezbûrâna ale’l-iştirâki’s-seviy her birine hibe ve temlîk edip sagīrân-ı mezbûrânın babaları ve vasîleri mezbûr İbrahim Beşe’nin kabz eylediği bu mahâlle şerh verildi.