Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 452 Hüküm no: 381 Orijinal metin no: [84b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Topal Ahmed Çelebi’nin terekesi Mahmiye-i İstanbul’da Çakırağa mahâllesinde sâkin iken bundan akdem vefât eden Topal Ahmed Çelebi b. Mehmed’in zâhirde zevce-i menkûha-i metrûkesi Havva Hatun bt. Mehmed’den gayrı vâris-i ma‘rûfu olmayıp terekesinin rub‘u zevcesi mezbûreye ve selâse-i erbâ‘ı cânib-i beytülmala âid olmak üzere mahmiye-i mezbûrede bi’l-fi‘il beytülmal-ı hâs emîni fahrü’l-akrân es-Seyyid Mustafa Ağa b. el-Hâc Ahmed terekesinin selâse-i erbâ‘ını ba‘de’l-kabz müteveffâ-yı mezbûrun vesâyâsını tenfîze ve selâse-i erbâ‘ını vilâyet-i Anadolu’da İnebolu kazâsında sâkin li-ebeveyn kız karındaşım oğlu Mustafa’ya îsâle Haffâf el-Hâc Abdurrahman Çelebi b. Ali vasiyy-i muhtârı olduğunu emîn-i mûmâ-ileyh muvâcehesinde ba‘de’l-isbât mezbûre Havva Hatun ve el-Hâc Abdurrahman taleb ve ma‘rifetleriyle tahrîr ve defter olunan tereke-i müteveffâ-yı mezbûrdur ki ber-vech-i âtî zikr olunur. Fî 28 min-Recebi’l-ferd sene 1143. Nîmten kürk 240 akçe Çuka çakşır 150 akçe Çuka nîmten 100 akçe Kırmızı ihrâm 90 akçe Destâr, kavuk 130 akçe Yorgan 4 700 akçe Beledî ve yemenî yasdık 23 300 akçe Minder, 4 1.000 akçe İş makraması 5 100 akçe Şilte 120 akçe Def‘a iş makrama 5 100 akçe Yağlık 6 60 akçe Âbdest makraması 3 90 akçe Bez parçası ve hırdavât 60 akçe Beyaz zıbın 80 akçe Zıbın 2 ve boğça 2 ve don 170 akçe Gömlek, don 160 akçe Def‘a gömlek 6 800 akçe Def‘a gömlek, don 180 akçe Destâr 220 akçe Def‘a gömlek ve çarşeb 270 akçe Def‘a gömlek, don ve çarşeb 260 akçe Bez 3 parça 180 akçe Sepet sandık 100 akçe Âbdest ibriği 150 akçe Köhne anteri ve zıbın 150 akçe Hırdavât-ı menzil 150 akçe Evânî-i nühâsiye 130 kıyye, fî 26 3.380 akçe Nakd-i mevcûde 16.440 akçe Yekûn: 26.150 akçe Minhe’l-ihrâcât Techîz ve tekfîn 2.760 akçe Mehr-i müeccel-i müsbet li’z-zevceti’l-mezbûre 1.500 akçe Deyn-i müsbet-i mütevellî İsmail Efendi bâ-hüccet-i şer‘iyye 7.200 akçe Deyn-i müsbet-i mütevellî Abdurrahman Efendi bâ-hüccet 4.800 akçe [85a] Tahlîs-i beytülmal 2.640 akçe Deyn-i ekmekçi ve sakā 84 akçe Harc-ı defter 400 akçe Dellâliye-i eşyâ ve kâtibiye 480 akçe Kaydiye-i defter 30 akçe Yekûnü’l-ihrâcât: 19.894 akçe El-bâkī: 6.256 akçe Minhe’s-sülüs: 2.085 akçe Sahhü’l-bâkī: 4.071 akçe Hissetü’z-zevceti’l-mezbûre 1.042 akçe Hissetü’l-mezbûr Mustafa 3.129 akçe