Bab Mahkemesi 54 Numaralı Sicil (H. 1102 / M. 1691) cilt: 20, sayfa: 105 Hüküm no: 78 Orijinal metin no: [12b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Fâtıma bt. Ali’nin küçük oğlu Ahmed’e Musa Çelebi b. Ömer’in vasî tayini Mahmiye-i İstanbul’da Ma‘cûnî Kasım mahallesinde sâkine iken bundan akdem vefât eden Fâtıma bt. Ali nâm hâtunun sadrî sagīr oğlu Ahmed’in babası Ömer b. Ali mütlif ve mübezzir olduğu ahâlî-i mahallesi ihbârıyla şer‘an zâhir olmağla, sagīr-i mezbûra vâlidesinden müntakil iki bin üç yüz otuz dört akçe mâl-ı mevrûsuna ve sâir tesviye-i umûruna bir [va]sî nasb olunmak mühim ve lâzım ve sagīr-i mezbûrun dayısı işbu bâ‘isü’l-kitâb Musa Çelebi b. Ömer her vechile vesâyet uhdesinden gelmeğe kādir olduğu zeyl-i kitâbda muharrerü’l-esâmi müslimîn ihbârıyla lede’ş-şer‘i’l-enver müte‘ayyin olmağla, mezbûr Musa Çelebi sagīr-i merkūm için taraf-ı şer‘-i münîrden vasî nasb ve ta‘yîn olundukda, ol dahi vesâyet-i mezbûreyi kabûl ve merâsimini edâya ta‘ahhüd etmeğin, mâ vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min Cemâziyelevvel sene 1102. Şuhûdü’l-hâl: Hasan Çelebi b. Abdullah, Usta Mehmed b. ( ), Hüseyin Çelebi b. ( ), İbrahim Çelebi b. Ahmed, Ebûbekir b. Hüseyin.