Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 460 Hüküm no: 387 Orijinal metin no: [86b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Manav Ahmed Beşe’nin terekesi
Mahmiye-i İstanbul’da el-Hâc İsa mahâllesi sükkânından olup Eğrikapı hâricinde Takyeci mahâllesinde misâfiren mütemekkin iken bundan [akdem] medyûnen vefât eden Manav Ahmed Beşe b. Mehmed’in verâseti zevce-i menkûha-i metrûkesi Âişe Hatun bt. Ahmed ile vâlidesi Arife Hatun bt. Abdullah’a ve sulbî sagīr oğlu Mehmed’e münhasıra olduğu şer‘an zâhir ve mukarrer oldukdan sonra müteveffâ-yı mezbûr Ahmed Beşe’nin zimem-i nâsda olan vasiyy-i mezbûr Mustafa Beşe’nin makbûzudur ki bi’t-taleb beyne’l-verese tevzî‘ ve taksîm olunduğu ber-vech-i âtî zikr olunur.
Fi’l-yevmi’s-sâmin min-Şa‘bân sene 1143.
Süleyman Beşe’den kabz olunan 480 akçe Ahmed Beşe’den kabz olunan 390 akçe Ali Beşe’den kabz olunan 360 akçe Dimo zimmîden kabz olunan 3.600 akçe Yorgaki zimmîden kabz olunan 120 akçe Koçi zimmîden kabz olunan 1.200 akçe Yahûdî Salamon’dan kabz olunan 45 akçe
Yekûn: 6.165 akçe
Minhe’l-ihrâcât
Deyn-i müsbet-i Mehmed Beşe bâ-hüccet 3.600 akçe Deyn-i müsbet-i el-Hâc Ali 360 akçe Meblağ-ı mezbûru tahsîl için sarf olunan 415 akçe Resm-i âdî 75 akçe Kaydiye-i defter 9 akçe
Yekûn: 4.459 akçe
Sahhü’l-bâkī: 1.706 akçe
Hissetü’z-zevceti’l-mezbûre 213 akçe Hissetü’l-ibni’l-mezbûr 1.493 akçe
|