Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 461 Hüküm no: 388 Orijinal metin no: [86b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Baklavacızade Kavukçu Hasan Çelebi’nin çocuklarına nafaka takdiri Mahmiye-i İstanbul’da Kirmasti mahâllesinde sâkin iken bundan akdem vefât eden Baklavacızâde Kavukçu Hasan Çelebi b. Mehmed’in sulbî sagīr oğlu Hüseyin ve sulbiye sagīre kızı Hadîce’nin vâlideleri ve tesviye-i emrlerine kıbel-i şer‘den mansûbe vasiyyeleri işbu râfi‘atü’l-kitâb Fâtıma Hatun bt. Mehmed’i hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri sagīrân-ı mezbûrânın babaları müteveffâ-yı mezbûrdan müntakil akārâtları icârelerinden beher yevm her birine birer para nafaka ve kisve-baha farz ve takdîr buyurup meblağ-ı mezkûrun sagīrân-ı mezbûrânın nafaka ve kisve ve sâir levâzım-ı zarûriyelerine harc u sarfa ve lede’l-iktizâ istidâneye ve inde’z-zafer mâllarına rücû‘a vasiyye-i mezbûre[ye] izin birle mâ vaka‘a bi’t-taleb ketb olundu. Fî-gurreti Receb sene 1143. Şuhûdü’l-hâl: Ahmed Efendi b. Osman, Ebubekir Efendi b. Ahmed, Mustafa Çelebi b. Hüseyin, es-Seyyid Hüseyin b. es-Seyyid el-Hâc Mustafa, Mustafa Çelebi b. Mehmed, Salih Çelebi b. Halil