Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 471 Hüküm no: 398 Orijinal metin no: [89a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Rukıye Hatun’un oğlu Mehmed’in vasisi Mustafa’nın muhasebe kaydı Mahmiye-i İstanbul’da Kızıltaş mahâllesinde sâkine iken bundan akdem vefât eden Rukıye Hatun [bt.] Abdullah’ın sadrî sagīr oğlu Mehmed’in tesviye-i umûruna kıbel-i şer‘den mansûb vasîsi olan el-Hâc Mustafa b. Abdullah’ın bin yüz kırk iki senesi Ramazan-ı şerîfi gurresinden bin yüz kırk üç senesi Şa‘bâni’l-mu‘azzamı gurresine gelince on bir ayda sagīr-i mezbûrun li-ebeveyn ammisi Mehmed Beşe b. ( ) talebiyle vasiyy-i mezbûrun makbûz ve masrûfunun görülen hesâbı defteridir ki ber-vech-i âtî zikr olunur. Fî 2 min-Şa‘bâni’l-mu‘azzam sene 1143. Sagīr-i mezbûr Mehmed’in vâlidesi müteveffât-ı mezbûreden müntakıl ber-mûceb-i defter-i kassâm-ı askerî hissesi 10.102 akçe Sagīr-i mezbûrun vâlidesinden mukaddem fevt olan babası Ömer Beşe’den münta[kil] ber-mûceb-i defter-i mezbûr hissesi 6.000 akçe Sagīr-i mezbûrun babası müteveffâ-yı mezbûrdan müntakıl mahâlle-i mezbûrede vâki‘ vakıf menzil icâresinden müddet-i mezbûrede makbûz-ı vasiyy-i mezbûr 1.980 akçe Yekûn: 23.082 akçe Minhâ Sagīr-i mezbûrun müddet-i mezbûrede bâ-hüccet-i şer‘iyye nafakasına masrûf-ı vasiyy-i mezbûr 1.980 akçe Sagīr-i mezbûra müddet-i mezbûrda alınan îdiyye için masrûf-ı vasiyy-i mezbûr 540 akçe Zeyneb Hatun için verilen mahkeme-i Mahmudpaşa’da harc-ı hüccet ve i‘lâm 525 akçe Harc-ı hüccet-i nafaka ve kalemiye ve kaydiye 300 akçe Müddet-i mezbûrda vakıf menzil icâresine masrûf 240 akçe Harc-ı defter-i muhâsebe 90 akçe Kalemiye ve hüddâmiye 78 akçe Kaydiye 9 akçe Yekûn: 3.762 akçe Sahhü’l-bâkī bi-yedi’l-vasiyyi’l-mezbûr: 19.320 akçe