Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 61 Hüküm no: 6 Orijinal metin no: [1b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un vefat eden kocası Mehmed Cevad’ın terekesinden hissesini teslim alması Tereke’den İbrâ Mahmiye-i İstanbul’da Mahmud Paşa kurbünde Cafer Ağa mahallesinde sâkin iken bundan akdem fevt olan Mehmed Cevad’ın verâseti zevce-i menkûha-i metrûkesi Şerife Âişe bt. es-Seyyid Mehmed Emin nâm hatun ile babası Mehmed Kâzım b. Mehmed Ali’ye inhisârı tahakkukundan sonra zâtı zeyl-i kitâbda muharrerü’l-esâmî Müslimîn ta‘rîfleriyle mu‘arrefe olan mezbûre Şerife Âişe Hatun meclis-i şer‘-i şerîf-i enverde tereke-i müteveffâ-yı mezbûra bi’l-verâse vaz‘-ı yedi mütehakkık olan işbu bâ‘isü’l-vesîka merkūm Mehmed Kâzım mahzarında bi’l-verâse ikrâr-ı tam ve takrîr-i kelâm edip mûrisim zevcim müteveffâ-yı mezbûrun hîn-i vefâtında yanında mevcûde bi’l-cümle terekesi babası merkūm bi’l-verâse ve bi’l-emâne ba‘de’l-kabz tereke-i müteveffâ-yı mezbûru merkūm Mehmed Kâzım ile beynimizde bi’t-terâzî iktisâm ve her birimiz hisse-i irsiyemizi âhar yedinden tamamen ahz ü kabz ve istifâ etmemizle mûrisimiz zevcim müteveffâ-yı mezbûrun bi’l-cümle ism-i mâl ıtlâk olunur terekesine ve hukūk-ı mîrâsa ve sâir hukūk-ı şer‘iyeye müte‘allika âmme-i da‘vâdan her birimiz âharın zimmetini ibrâ ve iskāt ve her birimiz ber-vech-i muharrer âharın ibrâsını kabûl eyledik dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 25 M sene [1]242 Şühûdü’l-hâl: Muhzır İsmail Çelebi, Ebûbekir Ağa, Muhzır Feyzullah Çelebi, Muhzır Ali Çelebi.