Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 62 Hüküm no: 7 Orijinal metin no: [1b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Andon v. Şahin’in Van’da olan bağ ve evini Abraham v. Hüdaverdi ve Karabet. V. Markar’a satması Van’da Bağ mübâya‘ası Vilâyet-i Anadolu’da Van kasabasında Irak? toprağı re‘âyâsından olup mahrûse-i Galata’ya muzâfe Kabataş nâm mahâlde mütemekkin Andon v. Şahin zimmî meclis-i şer‘-i hatîr-i lâzımü’t-tevkīrde işbu hâmilü’r-rakīm Abraham v. Hüdaverdi ve Karabet v. Markar zimmîler muvâcehelerinde ikrâr-ı tam ve takrîr-i kelâm edip akd-i âti’z-zikrin sudûruna değin yedimde müstakıllen mülk ve hakkım olup zikr olunan Irak? toprağında vâki‘ üç tarafdan mersûmân Abraham ve Karabet zimmîler bağları ve bir tarafdan tarîk-i âm ile mahdûd eşcâr-ı müsmire ve gayr-ı müsmire ve dört oda ve bir mikdâr havluyu müştemil tahmînen bin iki yüz elli zirâ‘ kürûmu mülk bağımı tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ile mersûmân Abraham ve Karabet zimmîlere ale’l-iştirâki’s-seviyy altı yüz yetmiş beş guruşa bey‘ ü temlik ve mahâllinde zabta tarafımdan mersûmânı taslît eylediğimde onlar dahi ber-vech-i muharrer iştirâken iştirâ ve temellük ve kabûl eylediklerinden sonra semeni olan meblağ-ı mezbûr altı yüz yetmiş beş guruşu müşteriyân-ı mersûmân bana def‘ ü teslîm ben dahi yedlerinden tamamen ahz ü kabz edip fîmâ-ba‘d bağ-ı mahdûd-ı mezkûr cemî‘ müştemilâtıyla mersûmân Abraham ve karabet zimmîlerin ale’l-iştirâki’s-seviyy mülk-i müşterâları ve hakk-ı sırfları olup, benim kat‘a alâka ve medhalim kalmamağla mebî‘-i mezkûrun tağrîr ve gabnine müte‘allika da‘vâdan herbirimiz âharın zimmetini ibrâ ve iskāt ve her birimiz ber-vech-i muharrer âharın ibrâsını kabûl eyledik dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 19 M sene [1]242 Şühûdü’l-hâl: Muhzır Fettah Çelebi, Muhzır Ali Çelebi, İstefan v. Kostan, Avanes v. Bogos,