Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 88 Hüküm no: 44 Orijinal metin no: [21b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Artin v. Avanes’in vefat eden babasından intikal eden terekeden dolayı annesi Anna’nın zimmetini ibra etmesi Terekeden ibrâ Mahmiye-i İstanbul’da Gedikpaşa mahallesinde mütemekkin iken bundan akdem hâlik olan Çizmeci Avanes v. Ağya v. Adam zimmînin verâseti zevce-i metrûkesi Anna bt. Derbab Nasrâniye ile sulbî kebîr oğlu Artin zimmîye ve sulbiye kebîre kızı Akna Nasrâniyeye inhisârı tahakkukundan sonra mersûm Artin zimmî meclis-i şer‘-i hatîr-i lâzımü’t-tevkīrde tereke-i hâlik-i mersûma bi’l-verâse ve bi’l-emâne vaz‘-ı yedi mütehakkık olan işbu bâ‘isetü’l-vesîka mersûme Anna Nasrâniye muvâcehesinde bi’l-verâse ikrâr-ı tam ve takrîr-i kelâm edip mûrisimi babam hâlik-i mersûmun hîn-i helâkinde yanında mevcûde ma‘rifet-i şer‘le tahrîr ve bey‘ olunan bi’l-cümle terekesi esmânından ba‘de ihrâci’l-mesârifi’l-lâzıme sahhu’l-bâkī ma‘lûmü’l-mikdâr meblağdan benim hisse-i irsiyeme isâbet eden altmış guruşu anam mersûme Anna Nasrâniye bi’l-emâne kabz etmekle meblağ-ı mezbûr altmış guruşu anam mersûme bana def‘ ü teslîm ben dahi yedinden tamamen ahz ü kabz edip mûrisim babam hâlik-i mersûmun terekesine ve hukūk-ı mîrâsa ve sâir cemî‘ hukūk-ı şer‘iyeye müte‘allika da‘vâdan anam mersûme Anna Nasrâniyenin zimmetini ibrâ ve iskāt eylediğimde ol dahi ber-vech-i muharrer ibrâ-yı mezkûrumu kabûl eyledik dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 8 S sene [1]242. Şühûdü’l-hâl: Muhzır Ali Çelebi, Muhzır Genç Mehmed Çelebi, Muhzır Feyzullah Çelebi. Artin v. Sagamon, Derbab, Agob, Bedros.