Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 400 Hüküm no: 462 Orijinal metin no: [74b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Topçu Mahmud’un Helvacı Osman’ın yanında çalışan küçük oğlunun ücretini tahsil etmesi Bi’l-velâye ücretden ibrâ, Medîne-i Üsküdar’da Solak Sinan mahallesinde sâkin Topçu Mahmud b. Hasan meclis-i şer‘-i şerîf-i enverde işbu bâ‘isü’l-vesîka Helvacı Osman b. Hüseyin mahzarında ikrâr-ı tam ve takrîr-i kelâm edip ben bundan akdem gāib ani’l-meclis oğlum Ahmed nâm sagīri beher sene yirmi guruş ücret tesmiyesiyle merkūm Osman’a bi’l-velâye îcâr ve teslîm eylediğimde ol dahi ba‘de’l-istîcâr oğlum sagīr-i mezbûr târih-i vesîkaya gelince kendüye dört sene hizmet etmemle oğlum sagīr-i mezbûrun ecr-i müsemmâsından müddet-i mezkûrda müctemi‘ olan seksen guruşu merkūm Osman bana def‘ ü teslîm ben dahi yedinden bi’l-velâye ahz ü kabz eyledim, fîmâ-ba‘d oğlum sagīr-i mezbûrun ecr-i müsemmâsından mezbûr Osman zimmetinde bir akçe ve bir habbe bâkī kalmamışdır dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 2 N sene [1]242. Şühûdü’l-hâl: Duhâncı Ahmed Ağa, Muhzır Emin Çelebi, Muhzır Mehmed Çelebi, Devâtçılar Kethudâsı el-Hâc Ahmed Ağa.