Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 408 Hüküm no: 473 Orijinal metin no: [76a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Mustafa’nın boşandığı eşi Teberdar Hacı Yusuf Ağa ile evlenmesi Tatlîk, yine tezvîc, Mahmiye-i İstanbul’da Aksaray kurbünde Çakırağa mahallesinde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Hadice bt. Mustafa nâm hatun meclis-i şer‘-i şerîf-i enverde zevc-i mutallıkı işbu bâ‘isü’l-vesîka Teberdâr el-Hâc Yusuf Ağa b. Musa mahzarında ikrâr-ı tam ve takrîr-i kelâm edip merkūm el-Hâc Yusuf Ağa zevc-i dâhilim olup târih-i vesîka günü beni tatlîk etmekle zimmetinde mütekarrir ve ma‘kūdün-aleyh olan otuz bir guruş mehr-i <> müeccel mutâlebesine müte‘allika da‘vâdan merkūm el-Hâc Yusuf Ağa’nın zimmetini ibrâ ve iskāt eylediğimden sonra ben yine nefsimi merkūm el-Hâc Yusuf Ağa’ya otuz guruş mehr-i müeccel tesmiyesiyle mahzar-ı şühûdda inkâh ve tezvîc eylediğimde ol dahi ber-vech-i muharrer tenâküh ve tezevvüc ve kabûl eyledi dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fî 19 N sene [1]242. Şühûdü’l-hâl: İmâm Halil Efendi, İvaz İsmail Ağa, Abdulfettah Çelebi, Muhzır Ebûbekir Çelebi, Mehmed Emin Çelebi.