Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 463 Hüküm no: 548 Orijinal metin no: [85a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Ali’nin eşi Humbaracı Seyyid Mehmed Emin’den muhâlaa usulüyle boşanması Muhâla‘a hücceti. Mahmiye-i İstanbul’da Ebulfeth Sultan Mehmed Han câmi‘-i şerîfi kurbünde Nişâncı Paşa mahallesinde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Şerife Âişe bt. Ali nâm hatun meclis-i şer‘-i şerîf-i enverde zevc-i muhâlı‘ı işbu bâ‘isü’l-vesîka Humbaracı es-Seyyid Mehmed Emin b. Osman mahzarında ikrâr-ı tam ve takrîr-i kelâm edip merkūm es-Seyyid Mehmed Emin zevc-i dâhilim olup lâkin beynimizde hüsn-i mu‘âşeretimiz olmamağla zimmetinde mütekarrir ve ma‘kūdün-aleyh olan yüz altmış bir guruş mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim merkūm es-Seyyid Mehmed Emin ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyete ve ibtidâ-yı zevciyetden işbu târih-i vesîkaya gelince sâir beynimizde cereyân eden cemî‘ hukūk-ı şer‘iyeye müte‘allika âmme-i da‘vâdan her birimiz âharın zimmetini ibrâ ve iskāt ve her birimiz ber-vech-i muharrer âharın ibrâsını kabûl eyledik dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 25 L sene [1]242. Şühûdü’l-hâl: Ivaz Said Ağa, Muhzır Ebûbekir Çelebi, Muhzır Emin Çelebi.