Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 464 Hüküm no: 550 Orijinal metin no: [85a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duhancı Bedros’un Zeliha Hanım’a borçu olduğunun tescili İkrâr-ı Deyn 2035 guruş Mahmiye-i İstanbul’da Kumkapı kurbünde Çadırcı Ahmed Çelebi mahallesinde mütemekkin Duhâncı Bedros v. Mıgırdıç zimmî meclis-i şer‘-i hatîr-i lâzımü’t-tevkīrde işbu bâ‘isetü’l-vesîka Zeliha Hanım bt. Kîlâr-ı hâssa Ağası esbak Mehmed Ağa’nın zevci ve tarafından husûs-ı âtîde tasdîka vekîl-i müseccel-i şer‘îsi şer‘iyyât ketebesinden Mustafa Sıdkı Efendi b. Ali mahzarında ikrâr-ı tam ve takrîr-i kelâm edip mezbûre Zeliha Hanım bana malından bin iki yüz altmış guruş idâne ve teslîm, ben dahi yedinden istidâne ve kabz etmemle meblağ-ı mezbûr bin ikiyüz altmış guruş ile semeni târih-i kitâbdan üç sene tamamına değin müeccel ve mev‘ûd olmak üzere yine mezbûre Zeliha Hanım’ın malından ve yedinden iştirâ ve kabz eylediği bir hilâlî sâ‘at semeninden yedi yüz yetmiş beş guruş ki ciheteyn-i mezkûreteynden cem‘an ikibin otuz beş guruş mezbûre Zeliha Hanım’a zimmetimde vâcibü’l-edâ ve lâzımü’l-kazâ sahîhan deynimdir dedikde gıbbe[‘t-tasdîki’ş-şer‘î mâ-vaka‘a bi’t-taleb ketb olundu.] Fi 27 L sene [1]242. Şühûdü’l-hâl: Muhzır Ebûbekir Çelebi, Muhzır Ali Çelebi, Muhzır İsmail Çelebi, Muhzır Fettah Çelebi, Muhzır Emin Çelebi, Muhzır Feyzullah Çelebi.