Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 54 Hüküm no: 6 Orijinal metin no: [8a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahyolu kadısı Kaya Efendi’nin cizye memuru ve kâtibinden haksız yere para almadığı Sene ihdâ ve elf’de vâki‘ Ahyolu cizyesi cem‘ine me’mûr olan fahrü’l-akrân Mahmud Bey b. Abdullah es-Silâhî ve kâtibi Ali Bey b. Abdullah es-Silâhî meclis-i şer‘-i şerîfe hâlâ Ahyolu kadısı olan fahrü’l-kuzât Mevlânâ Kaya Efendi b. Yusuf’u ihzâr ve mahzarında takrîr-i kelâm edip târih-i mezbûrda merkūm Kaya Efendi kethüdâsı Yusuf yediyle bizden bi gayrı tarîk-i şer‘î on sekiz bin akçe almış idi. Hâlâ taleb ederiz dediklerinde gıbbe’s-suâl ve akībe’l-inkâr ve’l-istişhâd mezbûrân Mahmud Bey ve Ali Bey ikāmet-i beyyineden âcizleriz deyû tahlîfe tâlib olduklarında mezbûr Kaya Efendi meblağ-ı mezbûru küllen ve ba‘zen almadığına ve mezbûr Yusuf yedinden kendiye vâsıl olmadığına tahlîf olunup yemîn billâh etdikde vâki‘-i hâl gıbbe’s-suâl ketb u tahrîr olunup yed-i tâlibe vaz‘ olundu. Tahrîren fi’l-yevmi’l-ışrîn min Rebî‘ilâhir li sene selâse ve elf. Şuhûdü’l-hâl: Hasan b. Abdullah, Kasım b. Abdullah, Süleyman b. Mahmud ve gayruhüm.