Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 65 Hüküm no: 18 Orijinal metin no: [10b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Bey b. Abdullah’ın, muhallefâtı zabt edilen Hızır Çavuş b. Yakub’da ödünçten alacağı olduğu Udûlden Mustafa Bey b. Abdullah er-râcil ve Behrâm Bey b. Abdullah el-cündî nâm kimesneler meclis-i şer‘-i şerîfde hâzırân olup, mahmiye-i mezbûre mahallâtından Molla Hüsrev mahallesinde sâkin iken bundan akdem sefer-i sultânîde fevt olan merhûm Hızır Çavuş b. Yakub’un muhallefâtına vâzı‘-ı yed olan Dârü’s-saltanati’s-seniyye mahmiye-i Kostantıniyye’de vâki‘ Beytülmâl-i hâs emîni fahrü’l-a‘yân Abdullah Çavuş b. Hızır mahzarında, Ahmed Bey b. Abdullah kıbelinden husûs-i âtiyyü’z-zikre vekâleti Veli Bey b. Abdullah ve Mehmed b. Mustafa’nın şehâdetleri ile sâbit olan râfi‘-i hâze’l-kitâb Abbas b. İbrahim nâm kimesneden sâdır olan da‘vâ-i sahîha-i şer‘iyyede gıbbe’l-istişhâd şöyle şehâdet ettiler ki, müteveffâ-i mezbûrun üzerinde ve zimmetinde müvekkil-i merkūmun karz-ı şer‘î cihetinden on iki bin akçe-i Osmânî hakkı vardır. Meblağ-ı mezbûr, müteveffâ-i merkūmun zimmetinde lâzimü’l-edâ ve vâcibü’l-kazâ deyndir. Şehâdetleri ba‘de’t-ta‘dîli’ş-şer‘î ve’t-tezkiyeti’ş-şer‘iyye inde’ş-şer‘ makbûl ve mûteber olmağın mûcibince hükmedildi. Cerâ zâlike ve hurrire fi’t-târihi’l-mezbûr. Şuhûdü’l-hâl: Es-Sâbikūn