Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 65 Hüküm no: 19 Orijinal metin no: [11a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhallefâtı karısı tarafından zabt edilen Mevlânâ Abdülbâki Efendi b. Ali’nin diğer mirasçılarının da hak sahibi olduğu Udûlden Hüseyin Çavuş b. Nebi ve İbrahim Çelebi b. Kasım nân kimesneler meclis-i şer‘-i şerîf ve mahfil-i dîn-i münîfde -sânehullâhu te‘âlâ ani’t-tağyîr ve’t-tahrîf- hâzırân olup, Dârü’s-saltanati’s-seniyye mahmiye-i Kostantıniyye mahallâtından Eski İmâret mahallesinde sâkin iken bundan akdem vefât eden ve muhallefâtı âtiyyü’z-zikr zevcesi tarafından zabt edilen merhûm-i mebrûr Bekāî diye ma‘rûf Mevlâna Abdülbâkī Efendi b. Ali’nin zevcesi ve vârisi olan Fâize bt. Mehmed kıbelinden husûs-i âtiyyü’z-zikre vekâleti sâbit olan Ali Çelebi b. Mahmud mahzarında ve müteveffâ-i mezkûrun sulbiye kızı ve vârisi olan Hatice nâm sagīreye kıbel-i şerden mansûb vasî olan Mevlâna İbrahim b. Ali’nin mahzarında, vilâyet-i Anadolu-i ma‘mûrede vâki‘ İznik kasabası sükkânından olan Osman b. Ali ve Asiye Hâtun bt. Ali’nin kendi nefislerinden asâleten ve yine kasaba-i mezkûre sükkânından Emine ve Meryem ibnetey Ali nâm hâtunlar kıbelinden da‘vâ, kabz ve îsâle ve kabz ve îsâl ile alâkalı husûslarda cedel ve münâza‘a ve haseb-i iktizâ-i hâlde hükkâm-ı zevi’l-efdâl huzûrunda murâfa‘aya vekâleti Pîr Mehmed b. Mehmed ve Haydar b. İsa’nın şehâdetleri ile sâbit olan Ferhad b. Abdullah ve Ebûbekir b. Sinan’dan vekâleten sâdır olan da‘vâ-i sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müdde‘iyeyn-i mezbûreyn Osman ve Asiye ile müvekkileteyn-i mesfûreteyn Emine ve Meryem ana-baba bir kardeştirler. Müteveffâ-i mezkûr Abdülbâkī Efendi’nin usûbe-i nesebiyye cihetiyle vârisleridir. Zira babaları ve müteveffâ-i mezkûrun babası Ali b. Aydın’dır; anneleri Hanım b. Pîrî’dir. Verâseti onlara, sagīre kızı Hatice’ye ve müvekkile-i merkūme Fâize’ye münhasırdır. Onlardan başka vâris ve terekeye müstehak kimesne ma‘lûmumuz değildir. Zamânın kasaba-i mezbûre kadısı Mevlâna Ali b. Mehmed’den sâdır olan, ünvânıyla mu‘anven, hâtemiyle mahtûm, mazmûnu bu hüccetin mazmûnuyla mutâbık hüccetin kadı-i mezbûrun meclisinden vârid olmasından sonra ve onun meclisinden sudûru, onun hücceti olduğu ve onun mührü ile memhûr olduğu, isimleri zeyl-i kitâbda mastûr olan Mustafa b. Mehmed ve Mustafa b. Muharrem et-tâcirin şehâdetleri ile sâbit olmasından sonra, şehâdetleri ba‘de’t-ta‘dîli’ş-şer‘î ve’t-tezkiyeti’ş-şer‘iyye inde’ş-şer‘ makbûl ve mûteber olmağın mûcibince hükmedildi. Cerâ zâlike ve hurrire fi’l-yevmi’r-râbi‘ aşere min Cumâdelûlâ sene selâse ve elf. Şuhûdü’l-hâl: Ahmed Çelebi b. Memi el-müste‘id, Behrâm Bey b. Abdullah, Abbas Halîfe b. İbrahim el-İmâm, Ahmed Halîfe b. Muharrem el-İmâm ve Behrâm b. Abdullah ve gayruhüm