Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 97 Hüküm no: 58 Orijinal metin no: [20b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rukiye bt. Abdullah’ın mehr-i müeccelini kocasına bağışladığı Udûlden Süleyman b. Davud ve İbrahim b. Mehmed nâm kimesneler meclisi-i şer‘-i şerîf-i enverde hâzırân olup Rukiye bt. Abdullah nâm mutallaka hâtun kıbelinden husûs-i âtiyyü’z-zikre vekîl edilen İsmi bt. Mehmed nâm hâtun mahzarında, mutallik Mahmud b. Hasan nâm kimesneden sâdır olan da‘vâ-i sahîha-i şer‘iyyede şöyle şehâdet ettiler ki, müvekkile-i mezkûre hâtun, kendisini tatlîkinden önce nikâhında ta‘ahhüd ettiği râyicü’l-vakt üç bin akçe mehr-i müeccelini zevc-i mezbûru Mahmud’a hibe edip meblağ-ı mevhûba müte‘allik da‘vâdan zimmetini ibrâ etti. Şehâdetleri ba‘de ri‘âyet-i şerâiti’l-kabûl inde’ş-şer‘ makbûl ve mûteber oldu. Cerâ zâlike ve hurrire fî evâsıtı Şa‘bân sene 1002. Şuhûdü’l-hâl: Es-Sâbikūn