Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 98 Hüküm no: 60 Orijinal metin no: [20b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa adlı şahsın vârislerinin Pertev Paşa Vakfı’na olan borcu ev satışıyla ödemeleri Mahmiye-i Kostantıniyye mahallâtından Nişancı Paşa mahallesinde bundan akdem vefât eden merhûm Mustafa nâm kimesnenin sulbî oğlu ve vârisi olan Süleyman asâleten ve sulbiye kızı Fâtıma’nın zevci ve husûs-ı âti’z-zikre vekîl-i şer‘îsi olan Ali b. Ahmed vekâleten meclis-i şer‘-i menî‘ü’l-erkâna hâzırân olup râfi‘ü’l-kitâb Hasan Bey b. Ali mahzarında tav‘an ikrâr ve i‘tirâf edip müteveffâ-yı mezbûrun muhallefâtından mahalle-i mezbûrede vâki‘ lede’l-ahâlî ma‘lûmetü’l-hudûd olan menzili bundan akdem kırk beş bin akçeye merkūm Hasan Bey’e bey‘ edip meblağ-ı mezbûrun yirmi beş bin akçesin müteveffâ-yı mezkûrun merhûm Pertev Paşa Vakfı’na olan on bin akçe deynine tarafeynin rızâlarıyla havâle eyledik dediklerinde, mukırrân-ı mezbûrânın vech-i meşrûh üzre olan ikrâr ve i‘tirâfların mukırrûn-leh mesfûr Hasan Bey vicâhen tasdîk edip kayd olundu. Tahrîren fî evâhiri Şa‘bân sene isneteyn ve elf. Şuhûdü’l-hâl: Sefer b. Mahmud, Davud Efendi b. Abdullah, Veli Efendi b. Sinan el-kadı, Süleyman b. Abdullah, Ferhad b. Abdullah [ve gayruhüm].