Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 139 Hüküm no: 122 Orijinal metin no: [31a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Ferruhzâde’nin, eski Erzurum beylerbeyi Ferhad Paşa’ya zorla evini satarak parasına el koyduğu gerekçesiyle açtığı davada iddiasını ispatlayamadığı Oldur ki, Erzurum beylerbeyiliğine tâbi‘ medîne-i Erzincan ahâlîsinden işbu râfi‘ü’l-kitâb Ahmed b. Ferruhzâde nâm kimesne meclis-i şer‘-i şerîfe Dergâh-ı âlî çavuşlarından mefharü’l-akrân Derviş Çavuş mübâşeretiyle Erz[urum] beylerbeyiliğinden munfasıl umdetü’l-emâcidi’l-kirâm Ferhad Paşa b. Abdülkâfî’yi ihzâr ve mahzarında takrîr-i kelâm edip bundan akdem müşârun-ileyh Ferhad Paşa Erzurum’da beylerbeyi iken bana gavga eyledin, cerîmeye müstehaksın deyû bahâne edip medîne-i mezkûrede Cemaleddin mahallesinde vâki‘ lede’l-ahâlî ma‘lûmetü’l-hudûd olan mülk menzilimi zulmen Murad nâm yeniçeriye iki yüz on kuruşa satıp akçesin kabz eylemişdir. Hâlâ taleb ederin suâl olunsun dedikde gıbbe’s-suâl ve akībe’l-inkâr ve’l-istişhâd, müdde‘î-i mezbûr Ahmed ikāmet-i beyyineden âcizin tahlîf olunsun dedikde merkūm Ferhad Paşa menzil-i mezkûru bi vechin mine’l-vücûh bey‘ etmeyip ve akçesin kabz etmediğine bi’l-muvâcehe tahlîf olunup yemîn billâh etdikde vâki‘-i hâl bi’t-taleb ketb olundu. Tahrîren fî 20 Ramazan sene-i mezbûre. Şuhûdü’l-hâl: Kurd Bey [b.] Abdullah, Himmet çeribaşı, Minnet Çavuş [b.] Ahmed, Ali Çelebi [b.] Hızır, el-Hâc Ali [b.] Yar Ahmed, Mehmed b. Hüsrev ve gayruhüm.