Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 142 Hüküm no: 126 Orijinal metin no: [32a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mihrimah bt. Abdullah’ın vakfettiği harap mektebi Ali Ağa b. Hürrem’in tamir ettirmesi Mahmiye-i Kostantıniyye mahallâtından Sarıgörez mahallesinde merhûme Mihrimah bt. Abdullah nâm hâtun hâl-i hayâtında binâ edip vakf eylediği mekteb harâba müşrif olup içinde eyyâm ve leyâlde nice ehl-i fesâd ihtifâ’ edip ahâlî-i mahalleyi rencîdeden hâlî olmayıp ve ta‘mîr ve termîm için evkāfı dahi olmayıp lâkin mahalle-i mezkûre sâkinlerinden işbu râfi‘ü’l-kitâb kıdvetü’l-a‘yân Ali Ağa b. Hürrem ez-zevvâku’s-sultânî mekteb-i mezbûru kendi mâlıyla ta‘mîr ve termîm edip dahi evkāf ilhâk etmek için cânib-i şer‘-i mutahhardan istîzân etdikde, alâ vefki’l-mes’ûl cânib-i şer‘den izin verilip bu kitâb-ı sıhhat-nisâb gıbbe’t-taleb ketb olunup yedine vaz‘ olundu. Tahrîren fî evâhiri şehri Ramazan sene isneteyn ve elf. Şuhûdü’l-hâl: Hacı Ali b. Abdullah, Mehmed Bey b. Abdullah, Mehmed b. Abdullah, Sefer b. Ali, Hasan b. Ali, Ahmed b. Abdullah.