Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 154 Hüküm no: 140 Orijinal metin no: [35a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rukiye bt. Abdullah’ın, mehir alacağını dava ve tahsil etmeye İsmi bt. Mehmed’i vekil ettiği Udûlden Halil b. Abdullah ve el-Hâc Ahmed b. Abdurrahman nâm kimesneler meclis-i şer‘-i şerîf-i ezherde hâzırân olup Mahmud b. Hasan nâm hasm-ı münkir mahzarında, İsmi bt. Mehmed nâm hâtundan sâdır olan da‘vâ-i sahîha-i şer‘iyyede gıbbe’l-istişhâd şöyle şehâdet ettiler ki, münkir-i mezbûr zevci Mahmud tarafından talâk verilmiş Rukiye bt. Abdullah nâm hâtun, müdde‘iyye-i merkūmeyi zevc-i mezbûrunun nikâhında ta‘ahhüd ettiği ve hâlen zimmetinde bulunan mehr-i müeccel hakkını da‘vâ etmeye, kabz ve îsâline ve kabz ve îsâl için nizâ‘ ve cedele ve haseb-i iktizâ-i hâl hâkim huzûrunda murâfa‘aya vekîl etti. Mezbûre de vekâlet-i merkūmeyi kabûl edip hizmet-i lâzimesini edâyı ta‘ahhüd etti. Şehâdetleri ba‘de ri‘âyet-i şerâiti’l-kabûl inde’ş-şer‘ makbûl ve mûteber oldu. Cerâ fî evâili Şa‘bân sene-i mezbûre. Şuhûdü’l-hâl: Aydın Çavuş b. Mustafa el-mübâşir, Derviş b. Abdullah, İbrahim b. Abdullah, Hüsrev b. Abdullah, Süleyman b. Mahmud ve gayruhüm