Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 173 Hüküm no: 172 Orijinal metin no: [40b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Abdullah’ın Adilcevaz Sancakbeyi Mehmed Bey’de olan alacağını kefil olan oğlundan talebi Dergâh-ı âlî yeniçerilerinden Süleyman b. Abdullah nâm kimesne meclis-i şer‘-i şerîfe Dergâh-ı sa‘âdet destgâh çavuşlarından fahrü’l-akrân Ahmed Çavuş mübâşeretiyle hâlâ livâ-i Adilcevaz beyi olan mefharü’l-umerâ’i’l-kirâm Mehmed Bey b. Veled Bey’in oğlu Ahmed nâm kimesneyi ihzâr ve mahzarında takrîr-i kelâm edip merkūm Ahmed’in babası sâlifü’z-zikr Mehmed Bey zimmetinde cihet-i karzdan yetmiş bin akçe hakkım olup meblağ-ı mezkûra oğlu mesfûr Ahmed emr u kabûlü hâviye kefâlet ile kefîl olmuş idi. Hâlâ taleb ederin dedikde gıbbe’s-suâl mezbûr Ahmed kefâlet-i merkūmeyi tav‘an ikrâr ve i‘tirâf etdikde vâki‘-i hâl gıbbe’s-suâl ketb olundu. Tahrîren fî evâili Zilka‘de sene 1002. Şuhûdü’l-hâl: Hasan Reis b. Muhyiddin, Osman b. Abdullah, Süleyman b. Mahmud, Mustafa b. Abdullah.