Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 186 Hüküm no: 194 Orijinal metin no: [44a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rıdvan b. Abdullah’ın Osman Bey b. Abdullah’taki câriye satış bedelinden olan alacağını tahsil etmesi Oldur ki, mahmiye-i Kostantıniyye mahallâtından Kurşunlu Türbe mahallesinde sâkin el-Hâc Rıdvan b. Abdullah nâm kimesne meclis-i şer‘-i şerîfe hâzır olup Dergâh-ı âlî bevvâblarından işbu râfi‘ü’l-kitâb Osman Bey b. Mahmud mahzarında tav‘an ikrâr ve i‘tirâf edip bundan akdem mezkûr Osman Bey zimmetinde Rûsiyyetü’l-asl Mülâyim bt. Abdullah nâm câriye bahâsından on bir bin akçe hakkım var idi. Hâlâ meblağ-ı merkūmu sâlifü’z-zikr Osman Bey yedinden alıp bi’t-tamâm kabz ve tesellüm eyledim. Min ba‘d husûs-ı mezbûra müte‘allik mezkûr Osman Bey ile alâkam kalmadı dedikde, mukırr-ı mezbûrun ikrâr-ı meşrûhunu mezkûr Osman Bey vicâhen tasdîk edip mâ hüve’l-vâki‘ bi’t-taleb ketb olundu. [Tahrîren] fî evâsıtı Zilka‘de sene 1002. Şuhûdü’l-hâl: El-Hâc Ali b. Veli, Ahmed b. Yusuf el-a‘ser, Mustafa Bey b. Abdullah el-cündî, el-Hâc Mehmed b. el-Hâc Ali ve gayruhüm.