Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 189 Hüküm no: 200 Orijinal metin no: [45a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe Hatun bt. Yusuf’un alacağını tahsil için Ahmed b. Ali’ye vekalet vermesi Mahrûsa-i Üsküdar mahallâtından Hâcce Hâtun mahallesinde sâkine işbu sâhibetü’l-kitâb Ayşe Hâtun bt. Yusuf meclis-i şer‘-i şerîfe hâzıra olup işbu râfi‘ü’l-kitâb Mevlânâ Ahmed b. Ali el-müsta‘id mahzarında takrîr-i kelâm edip vilâyet-i Rumeli muzâfâtından Kratova nâm kasabada sâkin Dergâh-ı âlî çavuşlarından Mustafa Çavuş b. Abdullah nâm kimesne zimmetinde cihet-i karzdan yirmi bin akçe hakkım olup hâlâ meblağ-ı mezkûru merkūm Mustafa Çavuş yedinden kabza ve bana îsâle ve inde’l-hâce muhâsama ve murâfa‘a-i şer‘a ve sâir kabz ve îsâl tevakkuf etdiği cemî‘-i umûra Mevlânâ mezbûr Ahmed’i kendi kıbelimden vekîl nasb ve ta‘yîn eyledim dedikde mezbûr Ahmed dahi vekâlet-i merkūmeyi bi’l-muvâcehe kabûl ve mûcebini mültezim oldum deyüp mâ hüve’l-vâki‘ bi’t-taleb ketb olundu. Tahrîren fî 23 min Zilka‘de sene 1002. Şuhûdü’l-hâl: Muharrem Çelebi b. Ebi’l-kasım, Mustafa Bey b. Mehmed el-bevvâb, Hasan Çavuş b. Abdullah, Eyüb Efendi b. Ahmed el-müderris.