Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 202 Hüküm no: 213 Orijinal metin no: [49b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Abdullah’ın muhallefâtından Beytülmâle intikal eden evin müzâyede ile Emine Hatun bt. Abdullah’a satıldığı Bundan akdem mahmiye-i Galata kazâsı tevâbi‘inden Tophâne mahallâtından Tom Tom mahallesinde fevt olan yetmiş altıncı yayalar bölüğünden merhûm râcil Süleyman b. Abdullah’ın muhallefâtına vâzı‘-ı yed olan, Atebe-i aliyye ve südde-i seniyyede vâki‘ râcilin zümresine mahsûs Beytülmâlin emîni mefharü’l-a‘yân Mustafa Subaşı b. Osman meclis-i şer‘-i şerîfde hâzır olup, âtiyyü’z-zikr menzili emânet-i mahkiyyesi hasebiyle râfi‘a-i, hâzihi’s-sahîfe-i sahîha Emine Hâtun bt. Abdullah nâm hâtuna bey‘-i bâtt-ı sahîh ile bey‘ ettiğini ikrâr ve i‘tirâf etti. Mezbûre hâtun da kendi mâlıyla ve kendisi için, müteveffâ-i mezbûrun muhallefâtından beytülmâl-i mezkûra intikāl eden, mahalle-i merkūmede vâki‘ olan, üzerinde iki küçük ev bulunan tahtânî bir beyti, küçük bir selâmlığı, su kuyusunu, helâyı ve avluyu hâvî bulunan, bir taraftan Ahmed Çelebi b. Abdullah mülkü, diğer taraftan Ayşe Hâtun mülkü, öteki taraftan mahalle-i merkūme imâmı için yapılan vakfı, diğer taraftan da tarîk-ı âm ile mahdûd cemî‘-i menzili cümle tevâbi‘ ve levâhıkı ile râyicü’l-vakt on beş bin akçe semen-i mu‘ayyen-i makbûzla ve îcâb kabûl ve teslîm tesellümü hâvî bey‘-i bâtt-ı sahîh ile iştirâ etti. İşbu mubâya‘a, menzil-i mezbûrun mirâren beyne’t-tâlibîn ve’r-râgıbîn müzâyede olunup semen-i mezbûrla müşterî üzerinde karâr eylemesinden sonra vâki‘ oldu. Vâki‘ ikrâr, müşteriyye-i mezkûre tarafından vicâhen ve şifâhen tasdîk edildi. Cerâ zâlike ve hurrire fî 26 min Zilka‘de sene 1002. Şuhûdü’l-hâl: Abdurrahman b. Nasuh el-İmâm, Ali b. İsa el-İmâm, Mustafa b. Osman, Ali b. Mahmud el-mellâh, Mehmed b. Ömer el-cündî, Mahmud Bey b. Abdullah, Bayezid Subaşı b. Abdullah el-emîn, Hasan b. Abdullah, Behrâm b. Abdullah, Derviş b. Sinan