Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 203 Hüküm no: 214 Orijinal metin no: [49b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Abdullah’ın muhallefâtından Beytülmâle intikal eden gemideki hissesinin Mehmed b. Abdullah’a satıldığı Bundan akdem fevt olan ellinci yayalar bölüğünden merhûm râcil Hasan b. Abdullah’ın muhallefâtına vâzı‘-ı yed olan, Atebe-i aliyye ve südde-i seniyyede vâki‘ râcilin zümresine mahsûs Beytülmâlin emîni mefharü’l-a‘yân Mustafa Subaşı b. Osman meclis-i şer‘-i şerîfde hâzır olup, müteveffâ-i mezkûrun muhallefâtından beytülmâl-i mezkûra intikāl eden, beynlerinde ma‘lûm, uzunluğu on altı zirâ‘ olan Laz gemisi ta‘bîr edilen sefînedeki sümün-i şâyi‘ hisseyi râyicü’l-vakt dört bin akçe semen-i mu‘ayyen-i makbûzla râfi‘-i hâze’l-kitâb Mehmed b. Abdullah er-râcil nâm kimesneye bey‘-i bâtt-ı sahîh ile bey‘ ettiğini ikrâr ve i‘tirâf etti. Mezbûr Mehmed de hisse-i mezkûreyi kendi mâlıyla ve kendisi için îcâb kabûl ve teslîm tesellümü hâvî bey‘-i bâtt-ı sahîh ile iştirâ etti. Vâki‘ ikrâr müşterî-i merkūm tarafından vicâhen ve şifâhen tasdîk edildi. Cerâ zâlike fî 3 min Zilhicce sene 1002. Şuhûdü’l-hâl: İbrahim b. Abdullah er-râcil, Hasan b. Abdullah er-râcil, Ferhad b. Abdullah er-râcil, Hacı Mustafa b. Hüseyin