Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 212 Hüküm no: 222 Orijinal metin no: [52b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Halil’in el-Hâc Mehmed’de olan alacağını tamamen aldığı Budur ki, mahrûsa-i Galata sâkinlerinden Mahmud b. Halil nâm kimesne meclis-i şer‘-i şerîf-i Nebevîye hâzır olup kasaba-i Akkirman sâkinlerinden el-Hâc Mehmed b. Fazlullah mahzarında takrîr-i kelâm edip bundan akdem mezbûr el-Hâc Mehmed kasaba-i merkūme ahâlîsinden el-Hâc Mehmed b. Nasreddin nâm hatîb tarafından vekîlin deyû bi gayrı tarîk-i şer‘î benim beş bin akçemi ahz u kabz eylemiş idi. Hâlâ meblağ-ı mezbûru merkūm el-Hâc Mehmed yedinden geri bi’t-tamâm ahz u kabz edip mezbûrun yedinde meblağ-ı merkūmdan bir akçe ve bir habbe bâkī kalmadı dedikde mezkûr Mahmud’un vech-i meşrûh üzre olan ikrâr ve i‘tirâfın sâlifü’z-zikr el-Hâc Mehmed vicâhen tasdîk ve şifâhen tahkīk edip mâ hüve’l-vâki‘ bi’t-taleb ketb ü tahrîr olunup kayd olundu. Tahrîren fi’l-yevmi’t-tâsi‘ aşer min Zilhicceti’l-mübâreke li sene isneteyn ve elf. Şuhûdü’l-hâl: Mevlânâ Ahmed b. Hüseyin el-kadı, el-Hâc İbrahim b. ( ) buzcu, Ahmed b. Abdullah, Mehmed b. Abdullah el-haffâf, el-Hâc Hasan, Kasım b. Abdullah ve gayruhüm.