Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 214 Hüküm no: 226 Orijinal metin no: [53a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kamer Hatun bt. Muharrem’in imam Abdürrezzak Halife b. Mirza’yı vekil ettiği Udûlden Cafer Ağa b. Abdullah ve Murad Bey b. Abdülmennân nâm kimesneler meclis-i şer‘-i şerîf-i ezherde hâzırân olup, elân Atebe-i aliyye-i hâkāniyyede vâki‘ sarrâc-ı sultânîler zümresi emîni olup zümre-i merkūmeden merhûm Hasan Bey b. Hamza’nın muhallefâtına vâzı‘-ı yed olan fahrü’l-a‘yân Mustafa Bey b. Ahmed mahzarında, Abdürrezzak Halîfe b. Mirza el-İmâmdan sâdır olan da‘vâ-i sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müteveffâ-i merkūmun zevcesi ve vârisi olan Kamer Hâtun bt. Muharrem nâm hâtun, nikâhında ta‘ahhüd edilen mehr-i müeccelinin ve müteveffâ-i mezbûr zevcinden kendisine intikāl eden hisse-i şer‘iyyesinin emîn-i mezbûr yedinden taleb, kabz ve îsâline ve kabz ve îsâl için lâzım gelen muhâsama ve haseb-i iktizâ-i hâl hükkâm-ı kirâm indinde murâfa‘aya ve diğer umûr-i şer‘iyyesine müdde‘î-i mezkûru vekîl eyledi. Mezbûr da vekâlet-i mezbûreyi kabûl edip hizmet-i lâzimesini edâyı ta‘ahhüd eyledi. Şehâdetleri ba‘de ri‘âyet-i şerâiti’l-kabûl inde’ş-şer‘ makbûl ve mûteber oldu. Cerâ fî 20 min Zilka‘de sene 1002. Şuhûdü’l-hâl: Murad Bey [b.] Abdullah, diğer Murad Bey [b.] Abdullah, Ali Hâce b. Süleyman, Hasan b. Abdullah, er-râcilin ve gayruhüm mine’l-hâzırîn