Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 215 Hüküm no: 227 Orijinal metin no: [53a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Mahmud’un ölen kocasından kalan ve beytülmâl emini Mustafa Subaşı’nın el koyduğu miras malından hissesini aldığı Oldur ki, Dergâh-ı âlî yeniçerilerinden devecilerden yedinci cemâ‘atde olup mahmiye-i Kostantıniyye’de Hatice Sultan mahallesinde sâkin iken vefât eden merhûm Mustafa b. Abdullah nâm yeniçerinin zevci ve vârisesi olan Ayşe bt. Mahmud nâm hâtun meclis-i şer‘-i şerîfe hâzıra olup hâlâ yeniçeriler beytülmâlı emîni olup müteveffâ-yı mezkûrun muhallefâtına vâzı‘u’l-yed olan işbu râfi‘ü’l-kitâb fahrü’l-a‘yân Mustafa Subaşı b. Osman mahzarında takrîr-i kelâm edip zevcim müteveffâ-yı mezkûr Mustafa uhdesinde olan beş yüz akçe mehr-i müeccelimi ve emîn-i mezkûr yedinde mazbût olan muhallefâtdan verâsetim hasebiyle bana âid olan rub‘ hissemi hâlâ emîn-i müşârun-ileyh yedinden alıp bi’t-tamâm ahz u kabz edip min ba‘d husûs-ı mezkûra müte‘allik emîn-i müşârun-ileyh ile kat‘an alâkam kalmamışdır deyû ikrâr ve i‘tirâf etdikde mukırre-i mezbûrenin ikrâr-ı meşrûhunu emîn-i mesfûr vicâhen tasdîk ve şifâhen tahkīk edip mâ vaka‘a bi’t-taleb ketb olundu. [Tahrîren] fî 23 Zilhicce sene isneteyn ve elf. Şuhûdü’l-hâl: Sadi Hasan b. Süleyman, Yakub [b.] Abdi el-imâm, Abdi b. İbrahim el-mü’ezzin, Ahmed b. Abdullah er-râcil ve gayruhüm.