Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 216 Hüküm no: 229 Orijinal metin no: [53b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Abdullah’ın muhallefâtından Beytülmâle intikal eden evin müzâyede ile Ferhad Bey b. Abdullah’a satıldığı Dârü’s-saltanati’s-seniyye mahmiye-i Kostantıniyye mahallâtından Hatice Sultan mahallesinde sâkin iken bundan akdem vefât eden birinci yaya bölüğü yayalarından merhûm Mustafa b. Abdullah’ın muhallefâtına vâzı‘-ı yed olan, Atebe-i aliyye ve südde-i seniyyede vâki‘ râciline mahsûs beytülmâlin emîni mefharü’l-a‘yân Mustafa Subaşı b. Osman meclis-i şer‘-i şerîf-i ezherde hâzır olup âtiyyü’z-zikr menzili râfi‘-i hâze’l-kitâb Ferhad Bey b. Abdullah er-râcile emânet-i mahkiyyesi hasebiyle bey‘-i bâtt-ı sahîh ile bey‘ ettiğini ikrâr ve i‘tirâf etti. Mezbûr Ferhad da kendi mâlıyla ve kendisi için, müteveffâ-i mesfûrun muhallefâtından beytülmâl-i mezkûra intikāl eden, mahalle-i merkūmede vâki‘, tahtânî iki beyti, iki selâmlığı, ahırı, su kuyusunu, helâyı, bahçeyi ve avluyu hâvî bulunan, iki taraftan Süleyman b. Abdullah mülkü, diğer taraftan mahalle mescidi imâmı için yapılan vakıf, diğer taraftan da tarîk-ı âm ile mahdûd bulunan cemî‘-i menzili cümle tevâbi‘ ve levâhıkı ile râyicü’l-vakt otuz beş bin akçe semen-i mu‘ayyen-i makbûzla ve îcâb kabûl ve teslîm tesellümü hâvî bey‘-i bâtt-ı sahîh ile iştirâ etti. İşbu mubâya‘a, menzil-i mezbûrun mirâren beyne’t-tâlibîn ve’r-râgıbîn müzâyede olunup semen-i mezbûrla müşterî üzerinde karâr eylemesinden sonra vâki‘ oldu. Vâki‘ ikrâr, müşterî-i mezbûr tarafından vicâhen ve şifâhen tasdîk edildi. Cerâ fî 23 min Zilhicce eş-şerîfe sene isneteyn ve elf. Şuhûdü’l-hâl: Şaban [b.] Hüseyin, Hasan [b.] Abdullah, Ali b. Mahmud er-râcil, Yusuf b. Abdullah er-râcil ve gayruhüm