Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 215 Hüküm no: 228 Orijinal metin no: [53a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Abdullah’ın Rus asıllı kölesini tedbîr yoluyla âzat ettiği Udûlden İsa b. Hüdâverdi el-İmâm, Halil b. Süheyl el-müezzin ve el-Hâc Pervâne b. Abdullah nâm kimesneler, mahmiye-i Kostantıniyye mahallâtından Yavuz er mahallesinde sâkin iken bundan akdem sefer-i sultânîde vefât eden kırk altıncı bölük yayalarından merhûm Ahmed b. Abdullah’ın muhallefâtına vâzı‘-ı yed olan ve elân Atebe-i aliyye ve südde-i seniyyede vâki‘ râciline mahsûs beytülmâlin emîni bulunan kıdvetü’l-a‘yân Mustafa Subaşı b. Osman mahzarında, Rûsiyyü’l-asl, orta boylu, sarışın, gök gözlü, açık kaşlı, sağ yanağında eser-i cerh bulunan râfi‘-i hâze’l-kitâb Ferruh b. Abdullah nâm gulâmdan sâdır olan da‘vâ-i sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müdde‘î-i mezkûr gulâmın efendisi olan müteveffâ-i mezbûr Ahmed hâl-i hayâtı ve nefâz-ı tasarrufâtında, taht-ı mülkiyyetinde bulunan gulâmı mevtimden kırk gün mukaddem hür ol diyerek mukayyed tedbîr ile tedbîr eylemişdi. Mezkûr efendi bu müddetten fazla yaşadı ve sıhhat buldu. Şehâdetleri ba‘de ri‘âyet-i şerâiti’l-kabûl inde’ş-şer‘ makbûl ve mûteber olmağın mûcibince hükmedildi. Cerâ fî 23 Zilhicce sene isneteyn ve elf. Şuhûdü’l-hâl: Hasan b. Abdullah, Ferhad [b.] Abdullah, İbrahim b. Derviş, İlyas [b.] Abdullah, Hüdâverdi [b.] Abdullah, er-râcilin ve gayruhüm