Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 263 Hüküm no: 277 Orijinal metin no: [68b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Defterdâr-ı sâbık Hasan Efendi b. Sinan’ın evini Kaptan Hasan Paşa Vakfı’na ve İbrahim Çavuş Vakfı’na istiğlâl yoluyla sattığı Defterdâr-ı sâbık, kıdvetü’l-emâcid ve’l-kirâm Hasan Efendi b. Sinan meclis-i şer‘-i şerîfde hâzır olup âtiyyü’z-zikr menzilini râfi‘-i hâze’l-kitâb merhûm Kaptan Hasan Paşa Vakfı’na ve kıdvetü’l-a‘yân İbrahim Çavuş Vakfı’na mütevellî olan Mehmed Çelebi b. Mustafa’ya bey‘ ettiğini ikrâr ve i‘tirâf etti. Mütevellî-i mezkûr da vakfeyn-i mezbûreyn mâlıyla ve istiğlâl maksadıyla, merkūm Hasan Efendi’nin işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, mahmiye-i Kostantıniyye mahallâtından Hâce Hayreddin mahallesinde vâki‘, fevkānî ve tahtânî müte‘addid beytleri, hamamı ve pınarı hâvî bulunan, bir taraftan mahalle-i merkūme mescidi müezzini için vakfedilen menzil, diğer taraftan merhûme Hâce Bola Hâtun vakfı, öteki taraftan merhûm Memi Çelebi ve İlyas Çelebi vakıfları, diğer taraftan da tarîk-ı âm ile mahdûd olan cemî‘-i menzili cümle tevâbi‘ ve levâhıkı ile râyicü’l-vakt altı yüz bin akçe-i Osmânî semen-i mu‘ayyen-i makbûz ile iştirâ etti. Bunun dört yüz bin akçesi mezkûr Hasan Paşa Vakfı’ndan, iki yüz bin akçesi ise mesfûr İbrahim Çavuş Vakfı’ndan ödendi. Bâyi‘-i mezbûrun menzili icâreye almak istemesi üzerine mütevellî-i merkūm, ba‘de’t-tahliye ve’t-tekābuz zeyilde mezkûr senenin Muharrem ayının ortasından bir sene tamâmına altmış bin akçe ücret-i kirâ ile icâreye verdi. Vâki‘ ikrâr, mütevellî-i mezkûr tarafından vicâhen ve şifâhen tasdîk edildi. Behrâm b. Abdullah ve İbrahim Çavuş b. Mahmud nâm kimesneler menzil-i mezbûrun derkine îcâb ve kabûlü hâvî kefâletle kefîl oldu. Cerâ zâlike ve hurrire fî evâili Saferi’l-hayr sene selâse ve elf. Şuhûdü’l-hâl: Arabacı mescidi imâmı Derviş Halîfe b. Mustafa, Hâce Hayreddin câmi‘i imâmı Mehmed b. Ali, İbrahim b. Yusuf en-ne‘âl, Abdurrahman b. Hüseyin, Kalenderhâne müezzini Sunullah b. Ali