Rumeli Sadareti Mahkemesi 21 Numaralı Sicil (H. 1002-1003/M. 1594-1595) cilt: 12, sayfa: 271 Hüküm no: 288 Orijinal metin no: [70b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vefat eden Aydın Beşe adlı yeniçerinin malından kızı Safiye Hatun’a intikal eden kısmın annesi vekaletiyle kendisine verildiği Mahmiye-i Kostantıniyye mahallâtından Beşiktaş mahallesinde sâkin iken bundan akdem vefât eden merhûm Aydın Beşe b. Sinan nâm yeniçerinin sulbiye kızı ve vârisesi olan Safiye nâm hâtun meclis-i şer‘-i şerîfe hâzır olup müteveffâ-yı mezkûrun zevc[es]i ve vârisesi olan Râbia bt. Ali nâm hâtun mahzarında takrîr-i kelâm edip babam müteveffâ-yı mezbûrun muhallefâtından bana irs-i şer‘î ile intikāl eden hissemi beytülmâl emîni yedinden ve gayriden kabza ve bana îsâle bundan akdem mezbûre Râbia’yı vekîl edip ba‘dehû mezbûre Râbia dahi zikr olunan muhallefâtdan bana âide olan hisse-i şer‘iyyemi vekâlet-i mahkiyyesi hasebiyle kabz edip hâlâ bana bi’t-tamâm îsâl ve teslîm edip ben dahi hisse-i merkūmemi cemî‘an kabz ve tesellüm edip husûs-ı mezkûra müte‘allik mezbûre Râbia ile kat‘â alâkam kalmamışdır deyû tav‘an ikrâr ve i‘tirâf eyledikde, mukırre-i mezbûre Safiye Hâtun’un ikrâr-ı meşrûhunu mesfûre Râbia vicâhen tasdîk ve şifâhen tahkīk edip mâ hüve’l-vâki‘ kayd olundu. Tahrîren fî 17 min Safer sene selâse ve elf. Şuhûdü’l-hâl: Aydın Çavuş el-mübâşir, Mehmed Bey [b.] Abdullah, Mehmed Çavuş b. el-Hâc Mustafa, Kubad Çavuş b. Abdullah, Musa Çavuş b. Abdullah, Müseyyib? b. Pîrî, Murad b. Abdullah, Hasan b. Abdullah.