Bab Mahkemesi 54 Numaralı Sicil (H. 1102 / M. 1691) cilt: 20, sayfa: 180 Hüküm no: 192 Orijinal metin no: [31a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali b. Süleyman’ın Mustafa Ağa’dan alacağını konusunda sulh olduğu Mahmiye-i İstanbul’da At Meydanı kurbunda sâkin Topçu Ali b. Süleyman nâm kimesne meclis-i şer‘-i şerîf-i enverde, bâ‘isü hâze’l-kitâb Mustafa Ağa b. Osman nâm kimesne tarafından husûs-ı âti’l-beyâna vekîl olduğu Mustafa b. Abdullah ve Süleyman b. Hasan nâm kimesne mahzarında ikrâr ve takrîr-i kelâm edip, bundan akdem müvekkil-i mezbûr Mustafa Ağa’ya altı sene hizmet etmekle ücretimi taleb ve da‘vâ eylediğimde, ol dahi teslîmden imtinâ‘ etmeğin beynimizde nizâ‘-ı küllî vukū‘undan sonra muslihûn tavassut edip, da‘vâ-yı mezkûrumdan müvekkil-i mezbûr ile beynimizde üç bin akçe üzerine akd-i musâlaha olundukda, ben dahi sulh-ı mezkûra müte‘allika cemî‘ da‘vâdan mûmâ-ileyh Mustafa Ağa’nın zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledim dedikde, gıbbe’t-tasdîki’l-mer‘î mâ vaka‘a bi’t-taleb ketb olundu. Fi’l-yevmi’s-sâdis min Cumâdelâhire li sene isneteyn ve mi’e ve elf. Şuhûdü’l-hâl: Mehmed Beşe el-mübâşir, Ali Beşe b. ( ), Hasan Ağa b. Ali, İbrahim Çelebi b. Ahmed, İbrahim Çelebi b. Mehmed.