Rumeli Sadâreti Mahkemesi 40 Numaralı Sicil (H. 1033-1034 / M. 1623-1624) cilt: 46, sayfa: 324 Hüküm no: 347 Orijinal metin no: [67a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Memi’nin vasiyet yoluyla câriyesini azat ettiği (tedbîr) Mahmiye-i Kostantıniyye mahallâtından Defterdâr Ahmed mahallesi sâkinlerinden olup Anadolu-i ma‘mûre kazaskeri hizmetinde bulunan Ahmed b. Memi el-Kefevî nâm kimse meclis-i şer‘-i şerîf-i nebevîye hâzır olup hâl-i sıhhatinde ve nefâz-ı tasarrufâtında iken, orta boylu, açık kaşlı, elâ gözlü, Mekriliyyetü’l-asl hâmiletü hâze’l-kitâb Belkıs bt. Abdullah nâm câriye-i memlûkesini mevtimden bir ay mukaddem hürsün diyerek tedbîr-i mukayyed ile tedbîr eylediğini ikrâr ve i‘tirâf etti. Câriye-i mezkûre, efendisine ecel erişip rahmet-i Rahmân’a kavuştuğunda mezheb-i muhtâra tevfîkan müddet-i mezkûreden i‘tibâren sâir harâir-i asliyyât-ı mükellefât gibi hürre olacaktır. Vâki‘ ikrâr men-lehü’t-tasdîk tarafından vicâhen tasdîk edildi. Cerâ zâlike ve hurrire fi’l-yevmi’s-sâlis min-Saferi’l-muzaffer li-sene erba‘a ve selâsîn ve elf. Şühûdü’l-hâl: Receb Efendi b. el-kādî, Şa‘bân Efendi el-imâm, Yusuf Efendi el-imâm, el-Hâc Abbas b. İbrahim, el-Hâc Mahmud b. el-Hâc Süleyman, İskender b. Abdullah, el-Hâc Mehmed b. ( ), Yunus b. ( ), el-Hâc Ramazan b. ( ) ve gayrühüm