Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 77 Hüküm no: 43 Orijinal metin no: [10a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hatice Hatun’un miras hissesini almaya Mustafa Bey b. Seydi Ali’yi vekil ettiği Hâl-i hayâtında mahmiye-i Kostantıniyye mahallâtından Kurşunlu Türbe mahallesinde sâkin olan ve bundan akdem vilâyet-i Rumelinde vâki‘ Ermediye kasabasında fevt olup verâsetinin Hatice Hâtun bt. ( ) nâm annesine ve Râbia Hâtun nâm li-ebeveyn kız kardeşine ve Hasan b. Mustafa nâm amcazâdesine münhasır olduğu hâkim-i kirâm indinde zâhir olup tahakkuk ettiğinde, mezbûre Hatice Hâtun meclis-i şerî‘at-i şerîfe-i garrâ ve mahfil-i tarîkat-i münîfe-i zehrâda hâzır oldu ve hâmil-i hâze’l-kitâb Mustafa Bey b. Seydî Ali’yi merhûm-ı mezbûrun muhallefâtındaki hisse-i şer‘iyyesini, muhallefâtı zabt eden vârisîn-i merkūmînden talebe ve hükkâm-ı zevi’l-efdâl huzûrunda murâfa‘aya ve kendisine îsâle ve bu husûsda lâzım gelen husûsâta vekîl edip nefsine nâib kıldı. O da vekâlet-i mezbûreyi kabûl edip hidemâtını üzerine aldı. Cerâ zâlike ve hurrire fi’l-yevmi’s-sâdis ve’l-ışrîn min Zilhicce eş-şerîfe sene isneteyn ve erba‘în ve elf. Şuhûdü’l-hâl: Ali Beşe b. İbrahim, Feridun b. Abdullah, Mustafa b. Musa, Yusuf Bey b. Şaban