Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 116 Hüküm no: 94 Orijinal metin no: [18b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin b. Mehmed’in Rus asıllı cariyesini âzat ettiği Dâru’l-hilâfeti’l-aliyye mahmiye-i Kostantıniyye mahallâtından Emin Sinan mahallesinde sâkin olan Hüseyin b. Mehmed nâm kimesne meclis-i şerî‘at-i şerîfe-i garrâ ve mahfil-i tarîkat-i münîfe-i zehrâda -sânehallâhu te‘âlâ ani’l-be’sâi ve’d-darrâi- hâzır olup, gök gözlü, orta boylu, sol dirseğinde eser-i cerh bulunan Rûsiyyetü’l-asl hâmile-i hâze’l-kitâb Kâmile bt. Abdullah nâm câriye-i memlûkesini mevtimden kırk gün mukaddem hür ol diyerek tedbîr-i mukayyed ile tedbîr eylediğini ikrâr ve i‘tirâf eyledi. Müddet-i mezbûre geçip efendisi rabbine kavuştuğunda câriye-i mezkûre sâir harâir-i asliyyât-ı mükellefîn gibi hurre oldu. Cerâ zâlike ve hurrire fi’l-yevmi’l-hâmis min Saferi’l-hayr sene selâse ve erba‘în ve elf. Şuhûdü’l-hâl: El-Hâc Hüseyin b. Abdullah el-Müezzin, Mehmed Bey b. Şemseddin Efendi, Hızır Halîfe, Davud Halîfe b. ( ), Receb b. Hamdullah