Rumeli Sadareti Mahkemesi 56 Numaralı Sicil (H. 1042-1043/M. 1633) cilt: 14, sayfa: 136 Hüküm no: 116 Orijinal metin no: [22b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Solak Mustafa Çelebi b. Mehmed’in evini bey‘ bi’l-istiğlâl ile Kestel Vakfı’na sattığı Mahmiye-i Kostantıniyye mahallâtından Kızıltaş mahallesi ahâlîsinden Solak Mustafa Çelebi b. Mehmed nâm kimesne meclis-i şerî‘at-i şerîfe-i garrâda hâzır olup, işbu akdin kendilerinden sudûruna kadar sâhibi ve mâliki olduğu, elinde ve taht-ı tasarrufunda bulundurduğu, mahalle-i merkūmede kâin, bir tarafdan Mehmed Efendi b. Abdülkerim mülkü, diğer tarafdan Mâhbende? Hâtun bt. Abdullah mülkü, bir cânibden Davud Paşa Sarayı ve diğer cânibden de tarîk-i hâs ile mahdûd bulunan cemî‘-i menzilini cümle hudûdu ve kâffe-i hukūku ile râyicü’l-vakt altmış bin akçe semen-i mu‘ayyen-i makbûzla, mahmiye-i merkūmede vâki‘ merhûm Kestel vakfı kāimmakām-ı mütevellîsi olan Hüseyin Bey b. Abdullah’a bey‘ ettiğini ikrâr ve i‘tirâf etti. Müşterî-i mezbûr da vakf-ı mezkûr mâlıyla ve istiğlâl maksadıyla menzil-i mahdûd-ı mesfûru ondan iştirâ etti. Bâyi‘-i mezkûrun menzili icâreye almak istemesi üzerine müşterî-i mûmâ ileyh ba‘de’t-tahliye ve’t-tekābuz zeyilde mezkûr târihden bir sene tamâmına dokuz bin akçe ücret-i kirâ ile icâreye verdi. Vâki‘ ikrâr, tasdîk hakkı sâhibince vicâhen ve şifâhen tasdîk edildi. Mukırr-ı mezbûrun zevcesi Raziye Hâtun bt. Abdullah nâm hâtun kıbelinden âtiyyü’z-zikr kefâleti ikrâra vekâleti Mehmed b. Eğlence el-Kayyım ve Mustafa Çelebi b. Mehmed’in şehâdetleri ile sâbit olan câmi‘-i merhûm-ı mûmâ ileyhin imâmı Rıdvan Efendi b. Abdullah hâzır olup müvekkile-i merkūmesinin menzil-i mezbûrun derkine ve ücret-i kirâya îcâb ve kabûlü hâvî kefâletle kefil olduğunu vekâlet-i mahkiyyesi hasebiyle ikrâr etti. Cerâ zâlike ve hurrire fi’l-yevmi’l-âşir min Saferi’l-hayr sene selâse ve erba‘în ve elf. Şuhûdü’l-hâl: Ramazan Halîfe b. Abdullah el-Müezzin, Şaban b. Abdullah, Mehmed b. Nasuh, Mehmed b. Abdullah, Şaban b. Abdullah